హరికేన్ మిల్టన్ బీభత్సం సృష్టిస్తుందని నేషనల్ హరికేన్ సెంటర్ తెలిపింది. పశ్చిమ- మధ్య ఫ్లోరిడాలో అత్యంత విధ్వంసకర హరికేన్‌లలో ఒకటిగా మిల్టన్‌కు అవకాశం ఉందని వాతావరణ శాఖ హెచ్చరించింది. ఉత్తర, దక్షిణ ఫ్లోరిడాలోని ల్యాండ్‌ఫాల్ పాయింట్ కు దూరంగా బలమైన గాలులు వీస్తాయి. ఈ తాకిడికి విధ్వసం జరిగే అవకాశం ఉందని తెలిపింది. ఈ తుఫాను ఫ్లోరిడాకు తీవ్రమైన ప్రమాదాన్ని కలిగిస్తుంది, ప్రాణాంతక తుఫాను ఉప్పెనగా మారి.. భారీ ఈదురు గాలులు.. వరద వచ్చే అవకాశం ఉందనిNHC అధికారులు తెలిపారు.
టంపా ప్రాంతంతో సహా పశ్చిమ ఫ్లోరిడా గల్ఫ్ తీరం వెంబడి భూమట్టానికి 10 నుండి 15 అడుగుల ఎత్తులో తుఫాను వచ్చే అవకాశం ఉందని అంచనా వేశారు. ప్రస్తుతం ( అక్టోబర్ 8 రాత్రి 8 గంటల ప్రాంతంలో) ఈ హరికేన్ టంపాకు నైరుతి దిశలో 440 మైళ్ల దూరంలో కేంద్రీకృతమై ఉంది. ఇది తూర్పు-ఈశాన్య దిశలో 10 కిలో మీటర్ల వేగంతో ప్రయాణిస్తుంది.దీని ప్రభావంతోNHC కేంద్రం నుండి 140 మైళ్ల వరకు ఉష్ణమండల-తుఫాను-శక్తి గాలులు వీస్తున్నాయి. ఫ్లోరిడాకు చేరుకోవడంలో బలపడుతుంది.
తుఫాను హెచ్చరిక ఫ్లోరిడా యొక్క గల్ఫ్ తీరం వెంబడి షార్లెట్ హార్బర్ మరియు టంపా బేతో సహా ఉత్తరం వైపు ఫ్లెమింగో నుండి సువానీ నది వరకు విస్తరిస్తుంది. ఫ్లోరిడాలోని అట్లాంటిక్ తీరప్రాంతం, సెబాస్టియన్ ఇన్లెట్ ఉత్తరం నుండి జార్జియాలోని అల్టమహా సౌండ్ వరకు, ఈశాన్య ఫ్లోరిడాలోని సెయింట్ జాన్స్ నదీ తీరప్రాంతం, టంపా బే ప్రాంతం, ఫోర్ట్ మైయర్స్, ఓర్లాండో, కేప్ కెనావెరల్ , డేటోనా బీచ్‌తో సహా గల్ఫ్ వైపు నుండి అట్లాంటిక్ వైపు వరకు సెంట్రల్ ఫ్లోరిడాలో హరికేన్ హెచ్చరికలను జారీ చేశారు. మిల్టన్ ల్యాండ్‌ఫాల్‌కు చేరుకోవడంలో బలహీనపడే సమయంలో ఫ్లోరిడాకు తీవ్రమైన ముప్పువాటిల్లే అవకాశం ఉంది.
