- బైఠాయించి ఆందోళన
- తిరిగి వెళ్లిన సర్కిల్ 12 ఆఫీసర్లు
- మరోసారి కూల్చివేస్తామని ప్రకటన
మెహిదీపట్నం, వెలుగు: ఆసిఫ్ నగర్ పరిధిలో అక్రమ నిర్మాణాన్ని కూల్చేందుకు వెళ్లిన అధికారులను ఇంటి యజమానితోపాటు ఎంఐఎం లీడర్లు అడ్డుకున్నారు. సయ్యద్ అలీ గూడ ప్రాంతంలో పర్మిషన్ తీసుకోకుండా మూడంతస్తుల బిల్డింగ్ను కట్టారు. దీనిపై సమాచారం రావడంతో సర్కిల్ 12 ఏసీపీ కృష్ణమూర్తితో పాటు,సెక్షన్ ఆఫీసర్ సునీత మంగళవారం వెళ్లి బిల్డింగ్పైన కొంత భాగం కూలగొట్టారు.
విషయం తెలుసుకున్న ఎంఐఎం లీడర్లు అక్కడికి వెళ్లి వాగ్వాదానికి దిగారు. బిల్డింగ్ కూల్చవద్దంటూ భవనం ముందు బైఠాయించి ఆందోళన చేశారు. దీంతో ఉద్రిక్తత నెలకొంది. చివరకు పోలీసులు జోక్యం చేసుకొని ఇరువర్గాలతో మాట్లాడారు. ఆ తర్వాత అధికారులు అక్కడ్నుంచి వెళ్లిపోయారు. మరోమారు వచ్చి అక్రమ నిర్మాణాన్ని కూల్చివేస్తామని టౌన్ ప్లానింగ్ ఏసీపీ కృష్ణమూర్తి తెలిపారు.
