- యువకుడు, విద్యావేత్త అనే వంశీకి టిక్కెట్ ఇచ్చిండ్రు
- మంత్రి దుద్దిళ్ల శ్రీధర్బాబు
పెద్దపల్లి, వెలుగు : కాంగ్రెస్ పార్టీ ఇచ్చిన ఆరు గ్యారంటీలను అమలు చేయడానికి కాంగ్రెస్ ప్రభుత్వం కట్టబడి ఉందని, ఇప్పటికే కొన్ని గ్యారంటీలు అమలవుతున్నాయని, యువకుడు, విద్యావేత్త, పారిశ్రామికవేత్త అనే గడ్డం వంశీకృష్ణకు పెద్దపల్లి ఎంపీ టిక్కెట్ను హైకమాండ్ ఇచ్చిందని ఐటి, పరిశ్రమల శాఖ మంత్రి దుద్దిళ్ల శ్రీదర్బాబు అన్నారు. పెద్దపల్లి జిల్లా మంథని కేంద్రంగా శనివారం ఏర్పాటు చేసిన కార్నర్ మీటింగ్లో ఎంపీ అభ్యర్థి గడ్డం వంశీకృష్ణతో కలిసి మంత్రి పాల్గొన్నారు. ఈ సందర్బంగా మంత్రి మాట్లాడారు.
అభివృద్ది, సంక్షేమాన్ని రెండింటిని సమానంగా ముందుకు తీసుకెళ్లాలని కాంగ్రెస్ ప్రయత్నం చేస్తుందన్నారు. బీఆర్ఎస్ అభ్యర్థి గతంలో మంత్రిగా ఉండి కూడా ఎలాంటి అభివృద్ధి చేయలేదన్నారు. ఓట్లు దండుకోవడానికే ప్రతిపక్షాలు కాంగ్రెస్ పార్టీపై విమర్శలు చేస్తున్నాయన్నారు. మంథని చుట్టూ రింగ్ రోడ్ ఆలోచనఉందని , దానికి వంశీని కలుపుకొని రింగ్ రోడ్డు పూర్తి చేస్తామన్నారు. ఎంపీ అభ్యర్థి వంశీకృష్ణ మాట్లాడుతూ పదేళ్ల బీఆర్ఎస్ కాలంలో ప్రజలకు ఏం చేశారని మళ్లీ ఓటుగుతున్నారని ప్రశ్నించారు.
గతంలో కాకా వెంకటస్వామి నేతృత్వంలో ఎంతో అభివృద్ధి జరిగిందని గుర్తు చేశారు. నిరుద్యోగ సమస్యను పరిష్కరించడానికి ఈ ప్రాంతానికి పరిశ్రమలు తీసుకొస్తామన్నారు. విశాఖ ట్రస్టు ద్వారా అనేక సేవా కార్యక్రమాలు చేశామన్నారు 20 కోట్ల ఉద్యోగాలు ఇస్తామని బీజేపీ మోసం చేసిందన్నారు. ఎంపీగా తనను గెలిపిస్తే మంత్రి శ్రీధర్బాబుతో కలిసి ఈ ప్రాంతానికి పరిశ్రమలు తీసుకొస్తామన్నారు.
