- మున్సిపల్ చైర్మన్ డ్యాన్స్ చేస్తుంటే 500 నోట్లు వెదజల్లిన్రు
- నర్సాపూర్లో టీఆర్ఎస్ లీడర్ జోష్
నర్సాపూర్, వెలుగు: మంత్రులు పాల్గొన్న సభలో ఓ టీఆర్ఎస్ లీడర్ నోట్ల వర్షం కురిపించాడు. బుధవారం మెదక్ జిల్లా నర్సాపూర్లో కొత్తగా ఏర్పాటు చేసిన ఆర్టీసీ బస్డిపోను ఆర్థిక శాఖ మంత్రి హరీశ్రావు, రవాణా శాఖ మంత్రి పువ్వాడ అజయ్ కుమార్ బుధవారం ప్రారంభించారు. సభ నిర్వహించగా, స్టేజీ మీద గాయకుడు సాయి చంద్పాట పాడారు. ఈ సందర్భంగా నర్సాపూర్ మున్సిపల్ చైర్మన్ మురళి యాదవ్ డ్యాన్స్చేశారు. దీంతో నర్సాపూర్ కు చెందిన టీఆర్ఎస్ లీడర్ శ్రీధర్ గుప్తా రూ.500 నోట్లను సాయిచంద్, మురళీయాదవ్లపై చల్లాడు. దాదాపు రూ.50 వేల వరకు ఇలా నోట్లను వెదజల్లడంతో స్టేజీ మీదున్న మంత్రులు, ఎమ్మెల్యేలు, ప్రజాప్రతినిధులు, పార్టీ కార్యకర్తలు ఆశ్చర్యపోయారు. అయితే ఈ డబ్బులను అక్కడే ఉన్న టీఆర్ఎస్ కార్యకర్తలు తీసుకొని జేబులో పెట్టుకోవడం విశేషం.
