- మంత్రి గంగుల కమలాకర్
కరీంనగర్ టౌన్, వెలుగు : కరీంనగర్ అభివృద్ధిలో దూసుకెళ్తోందని, సిటీని బ్యూటిఫుల్‌‌‌‌‌‌‌‌గా తీర్చిదిద్దుకున్నామని మంత్రి గంగుల కమలాకర్ అన్నారు. మంగళవారం మానేర్ బ్రిడ్జిపై ఏర్పాటు చేసిన హైమాస్ట్ లైట్లను మేయర్ సునీల్ రావుతో కలిసి మంత్రి ప్రారంభించారు. ఈ సందర్భంగా ఆయన మాట్లాడుతూ గత పాలకుల నిర్లక్ష్యానికి గురైన సిటీని అద్భుతంగా అభివృద్ధి చేసుకుంటున్నామన్నారు.
అంతకుముందు 9,16వ డివిజన్లలో వినాయక మండపాల్లో ప్రత్యేక పూజలు నిర్వహించారు. బీఆర్ఎస్ సిటీ ప్రెసిడెంట్ హరిశంకర్, కార్పొరేటర్లు శారద, శ్రీకాంత్, లీడర్ ప్రమోద్ రావు పాల్గొన్నారు.
ALSO READ :- అక్టోబర్1న పాలమూరు, 3న ఇందూరులో సభలు : కిషన్ రెడ్డి
కొత్తపల్లి: గణేష్ నిమజ్జనం సందర్భంగా కొత్తపల్లి చెరువు వద్ద మంత్రి గంగుల కమలాకర్, కలెక్టర్ గోపి ఏర్పాట్లను పర్యవేక్షించారు.
మహిళా చైతన్యానికి ప్రతీక ఐలమ్మ
కరీంనగర్ రూరల్ : పోరాట యోధురాలు చాకలి ఐలమ్మ.. తెలంగాణ తెగువకు నిదర్శనమని, మహిళా చైతన్యానికి ప్రతీక అని మంత్రి గంగుల కమలాకర్ అన్నారు. కరీంనగర్ రూరల్ మండలం జూబ్లీ నగర్‌‌‌‌‌‌‌‌‌‌‌‌‌‌‌‌లో చాకలి ఐలమ్మ విగ్రహాన్ని మంత్రి ఆవిష్కరించారు. ఈ సందర్భంగా మంత్రి మాట్లాడుతూ చాకలి ఐలమ్మ పోరాట స్ఫూర్తితోనే తెలంగాణ రాష్ట్రాన్ని సాధించుకున్నట్లు చెప్పారు. ఎంపీపీ లక్ష్మయ్య, ప్యాక్స్ చైర్మన్ శ్యామ్‌‌‌‌‌‌‌‌సుందర్ రెడ్డి, ఏఎంసీ చైర్మన్ మధు, సర్పంచ్ భారతి, రమణ రెడ్డి, ఎంపీటీసీ తిరుపతి, నందయ్య, ఐలయ్య, రజక సంఘం నాయకులు పాల్గొన్నారు.
