- అధికారులకు మంత్రి జూపల్లి ఆదేశం
హైదరాబాద్, వెలుగు: ఎక్సైజ్ ఆదాయం పెంచాలని అధికారులను మంత్రి జూపల్లి కృష్ణారావు ఆదేశించారు. గత ప్రభుత్వం మాదిరి ఎక్కువ మద్యం అమ్మాలని ఒత్తిడి తీసుకురావడం లేదని.. కాకపోతే గతంలో జరిగిన లీకేజీలను ఆరికట్టి లిక్కర్ రాబడి పెంచాలని సూచించారు.
శుక్రవారం నాంపల్లిలోని ఎక్సైజ్ శాఖ ఆఫీస్లో అధికారులతో మంత్రి జూపల్లి సమీక్ష నిర్వహించారు. గుడుంబాను నిర్మూలించాలని ఆదేశించారు. గ్రామాల్లో బెల్ట్ షాప్లపై నిఘా పెంచాలన్నారు. డ్రగ్స్, గంజాయిపై టాస్క్ఫోర్స్ దాడులను పెంచాలని ఆదేశించారు. ఉద్యోగుల ప్రమోషన్లు, బదిలీలపై త్వరలో నిర్ణయం తీసుకుంటామని మంత్రి వెల్లడించారు.
