కొల్లాపూర్, వెలుగు : కాంగ్రెస్ పార్టీ అధికారంలోకి వచ్చిన వెంటనే సోనియమ్మ ప్రకటించిన ఆరు గ్యారంటీ పథకాలను అమలు చేస్తామని మాజీ మంత్రి జూపల్లి కృష్ణారావు తెలిపారు. ఆదివారం మండలంలోని మాచినేనిపల్లిలో గడపగడపకు కాంగ్రెస్ కార్యక్రమంలో ఆయన పాల్గొన్నారు. కర్నాటక రాష్ట్రానికి చెందిన ఇద్దరు పరిశీలకుల సమక్షంలో గ్రామ యువకులు బీఆర్ఎస్ పార్టీ నుంచి కాంగ్రెస్లో చేరారు. అంతకుముందు గ్రామంలో కాంగ్రెస్పార్టీ జెండాను ఆవిష్కరించారు.
కాంగ్రెస్ పథకాలపై ప్రచారం
నాగర్ కర్నూల్ టౌన్ : ఇంటింటికీ కాంగ్రెస్ పథకాలపై నియోజకవర్గ నేత కూచుకూళ్ల రాజేశ్రెడ్డి ప్రచారం చేశారు. తాడూరు మండలం గుట్టలపల్లి, పొలమూరు గ్రామాల్లో ప్రజా చైతన్యయాత్ర నిర్వహించారు. ఈ సందర్భంగా ఆయన మాట్లాడుతూ కాంగ్రెస్ పార్టీ అధికారంలోకి రాగానే సోనియాగాంధీ ప్రకటించిన స్కీములు అమలు చేస్తామని చెప్పారు. పీసీసీ సభ్యుడు వల్లభ రెడ్డి, జడ్పీటీసీలు రోహిణి, సుమిత్ర, శ్రీనివాస్ రెడ్డి, హబీబ్ పాల్గొన్నారు.
పోస్టర్ల రిలీజ్..
బాలానగర్ : సోనియాగాంధీ ప్రకటించిన ఆరు గ్యారంటీ స్కీమ్ పోస్టర్లను పార్టీ నాయకులతో కలిసి ఆదివారం టీపీసీసీ ప్రధాన కార్యదర్శి జనంపల్లి అనిరుధ్రెడ్డి రిలీజ్ చేశారు. ఈ సందర్భంగా ఆయన మాట్లాడుతూ జడ్చర్ల నియోజకవర్గంలో ప్రతి గ్రామంలో గ్యారంటీ స్కీమ్ను గడపగడపకు వెళ్లి ప్రజలకు వివరిస్తానని తెలిపారు.
