- మంత్రి జూపల్లి కృష్ణారావు
పానగల్, వెలుగు: రైతులు సంతోషంగా ఉండడమే ప్రభుత్వ లక్ష్యమని మంత్రి జూపల్లి కృష్ణారావు పేర్కొన్నారు. శనివారం మండల కేంద్రంలోని పీఏసీఎస్ మహా జన సభ సమావేశం నిర్వహించారు. ఈ సందర్భంగా మంత్రి మాట్లాడుతూ తెలంగాణ ఉద్యమంలో విద్యార్థుల బలిదానాలు చూసి చలించిన సోనియమ్మ ప్రత్యేక రాష్ట్రాన్ని ఇచ్చారని తెలిపారు. పీఏసీఎస్ పరిధిలో రూ.2 లక్షల వరకు రుణమాఫీ చేయడం జరిగిందని, సాంకేతిక కారణాలతో మాఫీ కాని రైతులకు ప్రభుత్వం త్వరలోనే రుణమాఫీ చేస్తుందన్నారు.
విదేశాల్లో ఉన్నత చదువుల కోసం పీఏసీఎస్ ఆధ్వర్యంలో రూ.10 లక్షల రుణం ఇస్తారని, రైతుల డెవలప్మెంట్ కోసం సీఎం రేవంత్ రెడ్డి నిరంతరం కృషి చేస్తున్నారని తెలిపారు. అంతకుముందు జడ్పీ హైస్కూల్ లో తెలంగాణ పర్యాటక శాఖ ఆధ్వర్యంలో పదో తరగతి విద్యార్థులకు మెటీరియల్ పంపిణీ పంపిణీ చేశారు.
డీసీసీబీ చైర్మన్ విష్ణువర్ధన్ రెడ్డి, పీఏసీఎస్ వైస్ చైర్మన్ బాలయ్య, మాజీ జడ్పీటీసీ రవి, ముంత భాస్కర్, మాజీ ఎంపీపీ వెంకటేశ్ నాయుడు, పుల్లారావు, రాము యాదవ్, గోవర్ధన్ సాగర్, మధుసూదన్ రెడ్డి, డీఈవో గోవిందరాజు, ఎంఈవో శ్రీనివాసులు, తహసీల్దార్ సుభాశ్ నాయుడు, కార్యకర్తలు పాల్గొన్నారు.
