వీపనగండ్ల, వెలుగు: రుణమాఫీ ప్రక్రియ పూర్తి చేసి రైతులకు తిరిగి రుణాలు ఇవ్వాలని మంత్రి జూపల్లి కృష్ణరావు సూచించారు. బుధవారం బ్యాంక్ మేనేజర్తో రుణమాఫీ వివరాలను తెలుసుకున్నారు. బ్యాంక్ పరిధిలో రూ. 36.60 కోట్లు మాఫీ కావాల్సి ఉందని మేనేజర్ రవీందర్బాబు తెలిపారు. ఏమైనా సమస్యలు ఉంటే రైతులను ఇబ్బంది పెట్టకుండా, అర్హుల లిస్ట్ను తయారు చేసి అందించాలని మంత్రి సూచించారు. బ్యాంకులో రుణాలు పెండింగ్లో లేకుండా చూసుకోవాసిన బాధ్యత రైతులపై ఉందన్నారు. మంత్రి వెంట గోదల బీరయ్య, రవీందర్ రెడ్డి, నక్క విష్ణు, సుదర్శన్ రెడ్డి, గోపి, వెంకటేశ్, బాల్రెడ్డి ఉన్నారు.
కొల్లాపూర్: పేదల అభివృద్ధే ప్రభుత్వ లక్ష్యమని మంత్రి జూపల్లి తెలిపారు. పట్టణంలోని ఓ ఫంక్షన్ హాల్ లో ఏర్పాటు చేసిన కార్యక్రమంలో కొల్లాపూర్,పెద్ద కొత్తపల్లి,పెంట్లవెళ్లి, కోడేరు మండలాలకు చెందిన 200 మంది లబ్ధిదారులకు కల్యాణలక్ష్మి చెక్కులను పంపిణీ చేశారు. ఆర్డీవో నాగరాజు, తహసీల్దార్ విష్ణువర్ధన్ రావు, మున్సిపల్ చైర్ పర్సన్ మేకల రమ్య నాగరాజు పాల్గొన్నారు.
