- వడ్ల బోనస్ రూ.73 కోట్లు చెల్లించినం
- మూడు రోజుల్లో రూ.254 కోట్ల ధాన్యం పేమెంట్స్
- మౌలిక వసతుల పరిశీలన బాధ్యత కలెక్టర్దే
నిజామాబాద్, వెలుగు: నిజామాబాద్ రూరల్ నియోజకవర్గంలో రోడ్ల నిర్మాణానికి రూ.250 కోట్లు మంజూరు చేసినట్టు ఆర్అండ్బీ మంత్రి కోమటి రెడ్డి వెంకటరెడ్డి తెలిపారు. మొదటి విడతగా రూ.100 కోట్లు, సెకండ్ ఫేజ్లో రూ.150 కోట్లు ఇస్తామన్నారు. శుక్రవారం ధర్పల్లి మండలంలో పలు అభివృద్ధి పనులు ప్రారంభించిన ఆయన కలెక్టరేట్లో ఆఫీసర్లతో రివ్యూ మీటింగ్ నిర్వహించారు. ఆర్వోబీ పనులకు సంబంధించి తన శాఖలో ఎవైనా క్లియరెన్స్ అవసరమైతే తక్షణమే ప్రపోజల్స్ పంపాలని కలెక్టర్ రాజీవ్గాంధీ హనుమంతును ఆదేశించారు.
గ్రామ పంచాయతీ ఎలక్షన్స్జరిగేదాకా వాటర్, శానిటేషన్, స్ట్రీట్ లైట్స్ తదితర వసతులకు సంబంధించి కలెక్టర్ బాధ్యత తీసుకొని స్పెషల్ ఆఫీసర్లతో నిత్యం సమీక్షించాలన్నారు. ప్రతీ ఇంటికి సురక్షిత నీరు సరఫరా అయ్యేలా చూడాలన్నారు. వడ్ల కొనుగోళ్లపై రివ్యూ నిర్వహించిన ఆయన సన్నాలు సాగు చేసి అమ్మిన జిల్లా రైతులకు ఇప్పటి వరకు రూ.73 కోట్ల బోనస్ చెల్లించామన్నారు. బోనస్పై దుష్ప్రచారం చేసిన బీఆర్ఎస్ లీడర్లకు నిజామాబాద్అన్నదాతలే సమాధానమన్నారు. సర్కారు కొనుగోలు చేసిన 4.86 లక్షల మెట్రిక్ టన్నుల వడ్లకు సంబంధించి రూ.736 కోట్లు చెల్లించామని, మిగిలిన రూ.254 కోట్లు మూడు రోజులలో చెల్లించాలని కలెక్టర్ను ఆదేశించారు.
నేషనల్ హైవేగా బోధన్–మద్నూర్ రోడ్డు
ట్రాఫిక్ ఆధారంగా రోడ్లను విస్తరిస్తామని మంత్రి తెలిపారు. బోధన్–-మద్నూర్ రోడ్డు ప్రతిపాదనలు తనకు పంపితే నేషనల్ హైవే తెస్తానన్నారు. ఫారెస్ట్ డిపార్టమెంట్పర్మిషన్ల పేరుతో రోడ్ నిర్మాణ పనులు ఆపొద్దని ఇందల్వాయి-– భీంగల్ రోడ్ పనులు పూర్తి చేయాలని ఆదేశించారు. జిల్లాలో సీసీ రోడ్లున్న చోట బీటీ, బీటీ ఉన్న చోట ట్రాఫిక్ ఆధారంగా డబుల్ రోడ్ల నిర్మాణానికి ప్రతిపాదనలు పంపితే మంజూరు చేస్తానన్నారు.
ALSO READ | అప్పులున్నా పథకాలు ఆపలే : మంత్రి సీతక్క
నిర్మించిన రోడ్లు దెబ్బతినకుండా ఆధునిక టెక్నాలజీలో పనులు చేపడుతున్నామన్నారు. వార్షిక ప్లాన్ ప్రకారం ఆఫీసర్లు నిర్మాణాలు పూర్తి చేయాలని, లేకుంటే ఫండ్స్వెనక్కుపోయే ప్రమాదముందన్నారు. సంక్రాంతి నాటికి గుంతలులేని రోడ్లు ఉండాలనే ప్రణాళికతో ప్రభుత్వం ముందుకు వెళ్తోందన్నారు. ఆర్మూర్– జగిత్యాల, జగిత్యాల–-మంచిర్యాల రోడ్డు నిర్మాణం తమ పరిశీలనలో ఉందన్నారు. ఆఫీసర్లతో మంత్రి నిర్వహించిన సమీక్షలో ఆర్మూర్, బాల్కొండ సెగ్మెంట్ కాంగ్రెస్ ఇన్చార్జిలు వినయ్రెడ్డి, ముత్యాల సునీల్రెడ్డి అధికారులను ప్రశ్నించడం వివాదాస్పదమైంది.
పిల్లలపై పేరెంట్స్నిఘా అవసరం
పెద్ద స్కూల్లో చేర్పించామనే ధీమాతో ఉండొద్దని, పిల్లల నడవడికను పేరెంట్స్ గమనిస్తూ ఉండాలని మంత్రి సూచించారు. శుక్రవారం రాత్రి నగరంలోని ఆర్బీవీఆర్ స్కూల్42వ వార్షికోత్సవ సభలో పాల్గొని ప్రసంగించారు. చదువులో వెనుకబడిన స్టూడెంట్ పట్ల టీచర్లు ప్రత్యేక శ్రద్ధ తీసుకోని వారిని ప్రయోజకులను చేయాలన్నారు. ఈ స్కూల్లో చదువుకొని ఉన్నత స్థానాలకు చేరిన వారిని మంత్రి సన్మానించారు. రూరల్ఎమ్మెల్యే భూపతిరెడ్డి, ప్రిన్సిపాల్వీణారెడ్డి, స్కూల్ సొసైటీ ప్రెసిడెంట్ మహేందర్రెడ్డి, సెక్రటరీ గోవర్ధన్రెడ్డి, చైర్మన్ జగత్రెడ్డి, అమర్జిత్రెడ్డి తదితరులు పాల్గొన్నారు.
