నల్గొండ, వెలుగు : జిల్లా సహకార కేంద్ర బ్యాంకు కొత్త చైర్మన్ను సోమవారం ఎన్నుకోనున్నారు. ఉదయం 9 గంటలకు డీసీసీబీలో చైర్మన్ ఎన్నిక జరుగుతుందని డీసీవో కిరణ్తెలిపారు. ఈ కార్యక్రమానికి ముఖ్యఅతిథిగా రోడ్లు, భవనాల శాఖ మంత్రి కోమటిరెడ్డి వెంకట్రెడ్డి హాజరుకానున్నారు. ఆయనతోపాటు పలువురు ఎమ్మెల్యేలు, ముఖ్యనాయకులు పాల్గొంటారు. కొత్త చైర్మన్గా డైరెక్టర్ కుంభం శ్రీనివాస్ రెడ్డి ఎన్నిక లాంఛనం కానుంది.
మునుగోడు ఎమ్మెల్యే కోమటిరెడ్డి రాజగోపాల్ రెడ్డి ప్రధాన అనుచరుడైన శ్రీనివాస్ రెడ్డి వైపు మెజార్టీ డైరెక్టర్లు మొగ్గుచూపుతున్నారు. మొత్తం 19 మంది డైరెక్టర్లలో 15 మంది శ్రీనివాస్రెడ్డికి అనుకూలంగా ఉన్నారు. మూడు రోజులపాటు ఇన్చార్జి చైర్మన్గా ఉన్న వైస్ చైర్మన్ ఏసిరెడ్డి దయాకర్రెడ్డి తిరిగి తన బాధ్యతలను కొత్తగా ఎన్నికయ్యే చైర్మన్కు అప్పగిస్తారు. కొత్తగా ఎన్నికయ్యే పాలకవర్గం వచ్చే ఏడాది ఫిబ్రవరి వరకు పవర్లో ఉంటుంది.
