- మంత్రి కోమటిరెడ్డి వెంకట్రెడ్డి
నల్గొండ అర్బన్, వెలుగు : విద్యారంగంపై కాంగ్రెస్ ప్రభుత్వం ప్రత్యేక దృష్టి సారించిందని, ప్రతి పాఠశాలలో మౌలిక సదుపాయాలు కల్పించడంతోపాటు నాణ్యమైన విద్యనందించేందుకు కృషి చేస్తుందని రోడ్లు, భవనాలు, సినిమాటోగ్రఫీశాఖల మంత్రి కోమటిరెడ్డి వెంకట్ రెడ్డి అన్నారు. ప్రభుత్వ పాఠశాల విద్యపై తెలంగాణ డెవలప్మెంట్ ఫోరం రూపొందించిన రిపోర్ట్ ను ఆదివారం హైదరాబాద్లో మంత్రికి ఫోరం చైర్మన్ ఎంవీ గోనారెడ్డి అందజేశారు.
ఈ సందర్భంగా మంత్రి కోమటిరెడ్డి మాట్లాడుతూ తెలంగాణలో పాఠశాల విద్యపై తెలంగాణ డెవలప్మెంట్ ఫోరం సమగ్ర సమాచారం రూపొందించడం అభినందనీయమన్నారు. అనంతరం భువనగిరి ఎంపీ కిరణ్ కుమార్ రెడ్డి, ఎమ్మెల్యే కుంభం అనిల్, కుమార్ రెడ్డి, నకిరేకల్ ఎమ్మెల్యే వేముల వీరేశం, నల్లగొండ మాజీ ఎమ్మెల్యే నంద్యాల నరసింహారెడ్డిని కలిసి ఫోరం రిపోర్టును అందజేశారు.
