నల్గొండ, వెలుగు : రాష్ట్ర రోడ్లు, భవనాలశాఖ మంత్రి కోమటిరెడ్డి వెంకటరెడ్డి మున్సిపల్పార్కులో ప్రజా దర్బార్ నిర్వహించారు. శనివారం మంత్రి క్యాంప్ఆఫీస్ సమీపంలోని మున్సిపల్పార్కులో మంత్రి కుర్చీ వేసుకుని ప్రజల నుంచి అర్జీలు స్వీకరించారు. నియోజకవర్గంలోని వివిధ ప్రాంతాల నుంచి వచ్చిన ప్రజల నుంచి ఫిర్యాదులు స్వీకరించడమేగాక, తక్షణమే అధికారులకు ఫోన్చేసి సమస్యలను పరిష్కరించాలని సూచించారు.
ఈ సందర్భంగా ఆయన మాట్లాడుతూ ఎన్నికల్లో ఇచ్చిన హామీ మేరకు పట్టణ ప్రజలకు నిత్యం అందుబాటులో ఉంటూ సమస్యల పరిష్కారానికి కృషి చేస్తానని తెలిపారు. కార్యక్రమంలో నల్గొండ మున్సిపల్ చైర్మన్ బుర్రి శ్రీనివాస్ రెడ్డి, వైస్ చైర్మన్ రమేశ్ గౌడ్, కాంగ్రెస్ పట్టణ అధ్యక్షుడు గుమ్ముల మోహన్ రెడ్డి, జడ్పీటీసీ వంగూరి లక్ష్మయ్య, కౌన్సిలర్లు పాల్గొన్నారు.
