![నల్గొండలో మంత్రి ప్రజాదర్బార్](https://static.v6velugu.com/uploads/2024/07/minister-komatireddy-venkat-reddy-is-organizing-prajadarbar-program-in-nalgonda_ULPARlJ3X9.jpg)
- స్టేట్లో తొలిసారిగా కలెక్టర్తో కలిసి వినూత్న కార్యక్రమం
- ఇక నుంచి ప్రతి సోమవారం అమలు
- క్యాంపు ఆఫీసు కేంద్రంగా ప్రజల నుంచి ఆర్జీలు స్వీకరణ
- ఉమ్మడి జిల్లా నుంచి క్యూకడుతున్న బాధితులు
నల్గొండ, వెలుగు : రాష్ట్ర రోడ్లు, భవనాలశాఖ మంత్రి కోమటిరెడ్డి వెంకట్రెడ్డి సరికొత్త కార్యక్రమానికి శ్రీకారం చుట్టారు. ఆయన నల్గొండలో ప్రజాదర్బార్ కార్యక్రమాన్ని అమలు చేస్తున్నారు. కలెక్టరేట్లు, మండల పరిషత్ఆఫీసుల్లో జరిగే ప్రజావాణి తరహాలో రాష్ట్రంలో తొలిసారిగా మంత్రి కోమటిరెడ్డి నల్గొండలో ప్రజాదర్బార్ప్రారంభించారు. ప్రతి సోమవారం ఉమ్మడి జిల్లావ్యాప్తంగా వివిధ ప్రాంతాల నుంచి వస్తున్న ప్రజల నుంచి మంత్రి స్వయంగా ఆర్జీలు తీసుకుంటున్నారు. సోమవారం కలెక్టర్సి.నారాయణరెడ్డితో కలిసి మినిస్టర్క్యాంపు ఆఫీసులో ప్రజాదర్బార్నిర్వహించారు. ఈ సందర్భంగా మంత్రి 'వెలుగు'తో ప్రత్యేకంగా ముచ్చటించారు.
ప్రజా సమస్యలు తెలుసుకునేందుకే..
ఇక నుంచి ప్రజాదర్బార్పకడ్బందీగా అమలు చేయాలని నిర్ణయించాం. వచ్చే సోమవారం నుంచి నాతోపాటు సంబంధిత అధికారులు కూడా ప్రజాదర్బార్లో పాల్గొంటారు. ఉమ్మడి జిల్లావ్యాప్తంగా వివిధ ప్రాంతాల నుంచి ప్రజలు వస్తున్నారు. వాళ్ల సమస్యలను స్వయంగా తెలుసుకుని పరిష్కరించడం ఈ కార్యక్రమం ఉద్దేశం. చదువుకునేందుకు డబ్బులు లేనివాళ్లు, క్యాన్సర్పేషెంట్లు, ఉద్యోగులు, ఆర్థిక ఇబ్బందులు ఎదుర్కొంటున్న వాళ్లు ఎక్కువగా వస్తున్నారు.
ప్రతిఒక్కరినీ ఆదుకుంటా..
ప్రజా జీవనంలో ఎదురయ్యే చిన్నా, చితక సమస్యలను పరిష్కరించి.. ప్రతిఒక్కరినీ ఆదుకోవాలనే ఉద్దేశంతోనే ఈ కార్యక్రమాన్ని చేపట్టా. ప్రభుత్వ నిధులతోపాటు నా కొడుకు ప్రతీక్ఫౌండేషన్పేరుతో వీలైనంత మేరకు ఆర్థిక సాయం చేస్తున్నాం. అవసరమైన చోట బాలికలకు సైకిళ్లు, కంప్యూటర్లు, ఆసత్రుల్లో ఏసీలు మంజూరు చేయిస్తున్నా. క్యాన్సర్పేషెంట్లపై ప్రత్యేకంగా శ్రద్ధ చూపిస్తున్నా.
సమస్యలకు సత్వర పరిష్కారం..
సమస్యలకు సత్వర పరిష్కారం చూపిస్తున్నా. కాలేజీ హాస్టల్స్లో సీట్లు, ఫీజులు, రెవెన్యూ, పోలీస్ మ్యాటర్స్ ఏమైనా ఉంటే బాధితుల సమక్షంలోనే నేరుగా అధికారులకు ఫోన్ చేసి పరిష్కరించాలని ఆదేశాలు జారీ చేస్తున్నా. ఒకవేళ ఏదైనా పరిస్థితుల్లో నేను అందుబాటులో లేకుంటే క్యాంపు ఆఫీసులో మా స్టాఫ్ఉంటరు. ఎ ల్లవేళల క్యాంపు ఆఫీసు తెరిచే ఉంటుంది. ప్రజల సౌకర్యార్థం అవసరమైతే రెండు రోజులు కూడా ప్రజాదర్బార్ కంటిన్యూగా కొనసాగిస్తాం.