- దేశంలోనే జిల్లా ఖ్యాతిని నిలబెట్టారు
- మాజీ సీఎల్పీ నేత కుందూరు జానారెడ్డి
నల్గొండ అర్బన్, వెలుగు : నల్గొండ పార్లమెంట్ కాంగ్రెస్అభ్యర్థి రఘువీర్ రెడ్డికి దేశంలోనే అత్యధిక మెజార్టీ ఇచ్చిన నల్గొండ ప్రజలకు ఎల్లప్పుడూ రుణపడి ఉంటామని రోడ్లు, సినిమాటోగ్రఫీశాఖ మంత్రి కోమటిరెడ్డి వెంకట్రెడ్డి అన్నారు. మంగళవారం నల్గొండలోని అనిశెట్టి దుప్పలపల్లిలో పార్లమెంట్ ఎన్నికల కౌంటింగ్ పూర్తయిన తర్వాత రఘువీర్గెలుపు నియమాకపత్రాన్ని మాజీ సీఎల్పీ నేత జానారెడ్డి, ఎమ్మెల్యేలు బాలూనాయక్, బత్తుల లక్ష్మారెడ్డి, జైవీర్రెడ్డి, డీసీసీ అధ్యక్షుడు శంకర్నాయక్తో కలిసి అందుకున్నారు.
తర్వాత మంత్రి వెంకట్రెడ్డి మాట్లాడుతూ మెజార్టీలో దేశంలోనే రఘువీర్రెడ్డి టాప్–5లో ఉన్నారన్నారు. రఘువీర్ రెడ్డిని భారీ మెజార్టీతో గెలిపించి నల్గొండ జిల్లా ఖ్యాతిని దేశంలో నిలబెట్టారని మాజీ సీఎల్పీ నేత కుందూరు జానారెడ్డి అన్నారు. మంత్రులు ఉత్తమ్ కుమార్రెడ్డి, కోమటిరెడ్డి వెంకట్రెడ్డి, ఎమ్మెల్యేలు, ప్రజాప్రతినిధులు, నాయకులు, కార్యకర్తల కృషితోనే ఈ విజయం సాధ్యమైందన్నారు. 1952లో ఇక్కడి నుంచి రావినారాయణరెడ్డిని భారీ మెజార్టీతో గెలిపిస్తే ప్రస్తుతం రఘువీర్ రెడ్డిని అంతకంటే ఎక్కువ మెజార్టీతో గెలిపించారన్నారు.
