- కేసీఆర్ అమలు చేసిన ప్రతి స్కీమ్లో అవినీతే: మంత్రి వెంకట్రెడ్డి
- కౌంటింగ్మరుసటి రోజు బీఆర్ఎస్ ఆఫీస్కు తాళమే
- ఆ పార్టీలో నలుగురే మిగులుతరు
- చరిత్రలో నిలిచేలా రాష్ట్ర అవతరణ వేడుకలు
- కేసీఆర్ వచ్చేది.. రానిది ఆయన ఇష్టమని కామెంట్
నిజామాబాద్, వెలుగు : గత బీఆర్ఎస్ ప్రభుత్వహయాంలో చేపట్టిన గొర్రెల పంపిణీ స్కీమ్లో రూ.4,500 కోట్ల స్కామ్ జరిగిందని మంత్రి కోమటిరెడ్డి వెంకట్రెడ్డి అన్నారు. మాజీ సీఎం కేసీఆర్ అమలు చేసిన ప్రతి స్కీమ్లో అవినీతి జరిగిందని ఆరోపించారు. చివరకు బతుకమ్మ మాటున లిక్కర్ స్కామ్ చేశారని ఎమ్మెల్సీ కవితను ఉద్దేశించి పరోక్షంగా కామెంట్ చేశారు.
శనివారం ఓ ప్రైవేట్ ప్రోగ్రాంలో పాల్గొనేందుకు నిజామాబాద్వచ్చిన మంత్రి మీడియాతో మాట్లాడారు. ఇందూరుసహా రాష్ట్రంలో కాంగ్రెస్ పార్టీ12 ఎంపీసీట్లు గెలువబోతోందన్నారు. బీఆర్ఎస్కు ఒక్క సీటు కూడా రాదన్నారు. కౌంటింగ్ మరుసటి రోజు జూన్ 5న బీఆర్ఎస్ పార్టీ ఆఫీసుకు తాళం పడుతుందని, ఆ పార్టీలో చివరకు నలుగురే మిగులుతారని.. వారెవరో అందరికీ తెలుసన్నారు. బీజేపీ మత రాజకీయాల ఎజెండాతో పాలిటిక్స్చేస్తోందని విమర్శించారు. నిజామాబాద్ ఎంపీగా గెలవబోయేజీవన్రెడ్డి కేంద్రంలోని ఇండియా కూటమి గవర్నమెంట్లో మంత్రి అవుతారని మంత్రి పేర్కొన్నారు.
ఫోన్ ట్యాపింగ్ దోషులు మూల్యం చెల్లించక తప్పదు
బీఆర్ఎస్ సర్కారు టైంలో ఫోన్ ట్యాపింగ్ కు పాల్పడిన దోషులు మూల్యం చెల్లించక తప్పదని మంత్రి వెంకట్రెడ్డి అన్నారు. ఈ కేసులో చట్ట పరిధిలో వ్యవహరిస్తామన్నారు. పదేండ్లు సీఎం హోదాలో కేసీఆర్ నియంతలా పనిచేశారని, మంత్రులు, ఎంపీలు, ఎమ్మెల్యేలకు కూడా అపాయింట్‌‌‌‌మెంట్ ఇవ్వలేదన్నారు. ఎంపీగా తాను కేసీఆర్ను కలవడానికి ప్రయత్నిస్తే.. దగ్గరకు రానీయలేదని, వెయ్యి లెటర్లు రాసినా పట్టించుకోలేదన్నారు. తాను నిత్యం పది వేల మందిని కలుస్తున్నానని మంత్రి తెలిపారు. ప్రజల ఆదరణతో పొందిన పదవులు వారి సేవ కోసం ఉద్దేశించినవనే నిజాన్ని కేసీఆర్ విస్మరించడంతో ప్రజలే బుద్ధి చెప్పారన్నారు. వచ్చే పదేండ్లు రాష్ట్రంలో కాంగ్రెస్ గవర్నమెంటే ఉంటదని, రేవంత్ రెడ్డే సీఎంగా పనిచేస్తారని వెంకట్రెడ్డి అన్నారు.
పదేండ్లు రాష్ట్ర గీతం లేకుండా చేశారు
గడిచిన పదేండ్లలో తెలంగాణకు రాష్ట్ర గీతం లేకుండా చేశారని మంత్రి వెంకట్రెడ్డి ఆరోపించారు. అందెశ్రీ రాసిన పాటకు అర్హత ఉన్నా కేసీఆర్ అణచివేశారన్నారు. ఇప్పుడా నిర్బంధం పోయిందని పేర్కొన్నారు. రాష్ట్ర చిహ్నం, ఇతర అంశాలపై అసెంబ్లీలో అఖిలపక్షంతో చర్చించి కేబినెట్లో పెట్టి నిర్ణయిస్తామన్నారు. చరిత్రలో నిలిచిపోయేలా రాష్ట్ర ఆవిర్భావ వేడుకలను గవర్నమెంట్ నిర్వహించనుందన్నారు.
ప్రతిపక్ష నేత కేసీఆర్ను ఇందులో పాల్గొనాలని ఆహ్వానం పంపామని.. వచ్చేది, రానిది ఆయన ఇష్టమన్నారు. 15వ తేదీ నుంచి తమ ఫోకస్ అంతా పాలనపైనే ఉంటుందన్నారు. ఏపీలో అసెంబ్లీ ఎన్నికల ఫలితాలు వైఎస్సార్సీపీకి అనుకూలంగా ఉండే చాన్స్ కనబడుతోందని, రాబోయే రోజుల్లో అక్కడా కాంగ్రెస్ బలపడుతుందన్నారు. అనంతరం జాతీయ టెన్నిస్ పోటీలో గోల్డ్ మెడల్ పొందిన ధర్పల్లి మండలానికి చెందిన మౌనికకు మంత్రి రూ.50 వేల వ్యక్తిగత ప్రోత్సాహం అందించారు. సమావేశంలో నిజామాబాద్ రూరల్ఎమ్మెల్యే భూపతిరెడ్డి, ఎమ్మెల్సీ జీవన్రెడ్డి, డీసీసీ ప్రెసిడెంట్మానాల మోహన్రెడ్డి, గడుగు గంగాధర్ తదితరులు పాల్గొన్నారు.
