కాశీబుగ్గ(కార్పొరేషన్), వెలుగు: అనుమతులు మంజూరైన అభివృద్ధి పనులను వెంటనే చేపట్టాలని మంత్రి కొండా సురేఖ అధికారులను ఆదేశించారు. గ్రేటర్ వరంగల్ పరిధిలోని 42వ డివిజన్తెలంగాణ కాలనీలో మంగళవారం ఆమె పర్యటించారు. కాలనీ మ్యాప్ను పరిశీలించి, ఆఫీసర్లలు కాలనీ వాసులతో మాట్లాడారు. డ్రైనేజీ మంజూరైపా పనులను ప్రారంభించకపోవడంపై మంత్రి అసహనం వ్యక్తం చేశారు.
వెంటనే శంకుస్థాపన చేసి, ప్రారంభించాలని సంబంధిత అధికారులను ఆదేశించారు. ఆమె వెంట బల్దియా కమిషనర్ షేక్ రిజ్వాన్ బాషా, కార్పొరేటర్ చందన, సిటీ ప్లానర్ వెంకన్న, టౌన్ప్లానింగ్, విద్యుత్అధికారులు ఉన్నారు. అంతకు ముందు వరంగల్ తూర్పు నియోజకవర్గంలోని అబ్నూస్ ఫంక్షన్ హాల్లో 278 మంది లబ్ధిదారులకు మంత్రి సురేఖ కల్యాణలక్ష్మి, షాదీ ముబారక్ చెక్కులు పంపిణీ చేశారు. పెండింగ్పెట్టిన లబ్ధిదారుల లిస్టును తనకు అందజేయాలని ఆదేశించారు. ఎన్నికల హామీ ప్రకారం త్వరలోనే కల్యాణలక్ష్మి కింద రూ.లక్షా116తోపాటు తులం బంగారం ఇచ్చేందుకు చర్యలు తీసుకుంటామన్నారు.
