హైదరాబాద్, వెలుగు: వన్యప్రాణుల వేట, అటవీ జంతువుల అక్రమ వ్యాపారాన్ని నివారించడానికి “క్యాచ్ ది ట్రాప్” పేరుతో ప్రత్యేక కార్యక్రమాన్ని అమలు చేస్తున్నట్టు ఆ శాఖ మంత్రి కొండా సురేఖ తెలిపారు. వన్యప్రాణుల సంరక్షణకు ప్రభుత్వం కార్యాచరణ రూపొందించిందన్నారు. మంగళవారం వన్యప్రాణుల సంరక్షణ దినోత్సవం సందర్భంగా వన్యప్రాణుల సంరక్షణకు కృషి చేస్తున్న అటవీశాఖ సిబ్బంది, ప్రకృతి ప్రేమికులను మంత్రి ఓ ప్రకటనలో అభినందించారు.
అలాగే, రాష్ట్రవ్యాప్తంగా నిర్వహిస్తున్న ప్రజాపాలన విజయోత్సవాల్లో ప్రజలందరూ భాగస్వాములు కావాలని పిలుపునిచ్చారు. కాగా, బుధవారం సీఎం రేవంత్తో కలిసి ఫారెస్ట్ అండ్ ఎకో టూరిజం డెవలప్ మెంట్ ఆఫీస్ కు మంత్రి సురేఖ శంకుస్థాపన చేయనున్నారు. అలాగే, కొత్తగూడెం పాల్వంచ డివిజనల్ మేనేజర్ ఆఫీస్ కాంప్లెక్స్, సత్తుపల్లి డివిజనల్ మేనేజర్ ఆఫీస్ కాంప్లెక్స్ లను వర్చువల్ గా ప్రారంభిస్తారు.
