వనపర్తి, వెలుగు : రాష్ట్రంలోని ప్రతీ పల్లెను పక్కా ప్రణాళికతో డెవలప్ చేసినట్లు మంత్రి నిరంజన్ రెడ్డి తెలిపారు. మంగళవారం పెద్దమందడి మండలం వెల్టూరు గ్రామంలో పల్లె నిద్ర చేశారు. ఈ సందర్భంగా ఆయన మాట్లాడుతూ హరితహారంలో భాగంగా మొక్కలు పెంచడంతో పాటు ప్రతి గ్రామంలో విలేజ్ పార్కలు ఏర్పాటు చేశామన్నారు.
నియోజకవర్గంలో 60కి పైగా లిఫ్ట్లు చేపట్టి సాగునీటిని అందిస్తున్నామని చెప్పారు. దీంతో వలసలు తగ్గి, ఇతర ప్రాంతాలకు ఉపాధి కోసం వెళ్లిన వారు తిరిగి వస్తున్నారన్నారు. విద్య, వైద్యం, వ్యవసాయం, ఉపాధిరంగాల్లో తొమ్మిదిన్నరేండ్లలో గణనీయమైన ప్రగతి సాధించామని తెలిపారు. తనను గెలిపించాలని కోరారు.
