- బైక్ డ్రైవ్ చేసిన మంత్రి
వేములవాడ, వెలుగు : రాజన్న సిరిసిల్ల జిల్లా వేములవాడలో రాష్ర్ట రవాణా శాఖ మంత్రి పొన్నం ప్రభాకర్, ప్రభుత్వ విప్ అది శ్రీనివాస్ఆర్టీసీ బస్సులో ప్రయాణం చేశారు. మొదట తిప్పపూర్బస్టాండ్ నుంచి రాజన్న ఆలయం వరకు మంత్రి పొన్నం బైక్ నడపగా..వెనకాల ప్రభుత్వ విప్, వేములవాడ ఎమ్మెల్యే అది శ్రీనివాస్ కూర్చున్నారు. ఆలయ సమీపంలో ఓ హోటల్లో టీ తాగుతూ పలువురితో ముచ్చటించారు. పక్కనే ఫొటో స్టూడియోలో ఫొటోలు దిగారు. తర్వాత ఆటోలో తిప్పాపూర్ బస్టాండ్వరకు చేరుకున్నారు. అక్కడ అర్టీసీ బస్సు ఎక్కి టికెట్కొని సిరిసిల్ల వరకు ప్రయాణం చేశారు. సిరిసిల్ల పాత బస్టాండ్లో కేకే మహేందర్ రెడ్డి తో కలిసి ఛాయ్ తాగారు. బస్సులో ప్రయాణం చేస్తు న్నప్పుడు మహారాష్ట్రకు చెందిన ఓ మహిళ తెలంగాణలో మహిళలకు ఉచిత బస్సు ప్రయాణం స్కీం బాగుందని కితాబు ఇవ్వడంతో చిరునవ్వు నవ్వి కృతజ్ఞతలు తెలిపారు.
