- మంత్రి పొన్నం ప్రభాకర్
కోహెడ,(హుస్నాబాద్) వెలుగు: ఆర్టీసీ కార్మికులు,టీచర్లు ట్రాన్స్ఫర్ల కోసం తన వద్దకు వచ్చి ఒత్తిడి తేవొద్దని మంత్రి పొన్నం ప్రభాకర్విజ్ఞప్తి చేశారు. గురువారం హుస్నాబాద్లో పలు అభివృద్ధి పనులకు కలెక్టర్మను చౌదరితో కలిసి శంకుస్థాపన చేశారు.ఈ సందర్భంగా మంత్రి మాట్లడుతూ.. హుస్నాబాద్లో వరదల నివారణకు డ్రైనేజీ సిస్టమ్ ఏర్పాటుకు చర్యలు తీసుకుంటున్నామన్నారు.
ఈ ప్రాంతంలో ఇండస్ట్రియల్కారిడార్ ఏర్పాటు చేయడానికి అక్కన్నపేట మండలం చౌటపల్లి వద్ద స్థల పరిశీలన చేసినట్లు తెలిపారు. నియోజకవర్గానికి 3500 ఇందిరమ్మ ఇండ్లు మంజూరయ్యాయని గ్రామాల్లో ప్రజల సమక్షంలోనే లబ్ధిదారుల ఎంపిక జరుగుతుందన్నారు. సమగ్ర కుటుంబ సర్వేకు ప్రజలంతా సహకరించాలని కోరారు. మున్సిపల్చైర్పర్సన్రజిత, గ్రంథాలయ చైర్మన్లింగమూర్తి, సింగిల్విండో చైర్మన్శివ్వయ్య, కమిషనర్మల్లికార్జున్పాల్గొన్నారు.
