- అధికారుల చర్యలు చేపట్టాలె
- అందరూ సామాజిక బాధ్యతతో వ్యవహరించాలె
హైదరాబాద్: జనావాస సముదాయల్లో పటాకుల దుకాణాలు లేకుండా చర్యలు చేపట్టాలని మంత్రి పొన్నం ప్రభాకర్ అధికారులను ఆదేశించారు. ఇవాళ మంత్రి పొన్నం మాట్లాడుతూ.. పటాకుల దుకాణాల వల్ల ఎలాంటి అగ్ని ప్రమాదాలు జరగకుండా తగిన చర్యలు తీసుకోవాలన్నారు. వీటి కోసం క్రీడా మైదానం, ఓపెన్ప్లేస్లు, స్కూల్స్థలాలను దుకాణాలను పెట్టుకునేందుకు వాడుకోవాలన్నారు. సిటీలోని సంబంధిత ఏరియాల ఆఫీసర్లు బాధ్యత తీసుకోవాలని ఆదేశించారు. ప్రమాదాలు నివారించడానికి అందరూ బాధ్యతగా వ్యవహరించాల్సిన అవసరం ఏంతైనా ఉందన్నారు.
ఎక్కడైనా జనాలరద్దీ, నివాస సముదాయాల్లో పటాకులు అమ్ముకుంటే సంబంధిత అధికారికి స్థానిక ప్రజలు కంప్లైంట్చేయాలని కోరారు. ఈ విషయంలో అందరూ సామాజిక బాధ్యతగా వ్యవహరించాలన్నారు. పటాకుల దుకాణాలు చిన్నచిన్న గల్లీల్లో ఏర్పాటు చేస్తే ప్రమాదాలు జరిగే అవకాశం ఉందన్నారు. ‘ ఇప్పటికే సిటీలోని అబిడ్స్, చందానగర్ పటాకుల దుకాణాల్లో రెండు అగ్ని ప్రమాదాలు జరిగాయి. లక్కీగా పెద్దగా ప్రమాదం జరగలేదు.
దీపావళి పెద్ద పండుగ. పండగను అందరం సంతోషంగా జరుపుకోవాలి. ఈ పండుగ సందర్భంగా టపాసులు కాల్చేటప్పుడు జాగ్రత్తగా ఉండాలి. ప్రజలందరికి దీపావళి పండుగ శుభాకాంక్షలు. చిన్నచిన్న గల్లిల్లో పటాకుల దుకాణాలు ఏర్పాటు చేస్తే అధికారులు కఠిన చర్యలు తీసుకోవాలి.’ అని మంత్రి పొన్నం అన్నారు.
