హుస్నాబాద్, వెలుగు: భారీ వర్షంతో హుస్నాబాద్లో ఇండ్లు, దుకాణాలు మునిగిపోవడంతో ఆదివారం రాత్రి మంత్రి పొన్నం ప్రభాకర్ వరద బాధితులను ఓదార్చారు. భవిష్యత్ లో వరదలు రాకుండా చర్యలు తీసుకుంటామన్నారు. త్వరలోనే అధికారులతో సమీక్ష జరిపి ఇండ్లు, దుకాణాల్లోకి నీరు రాకుండా ప్లాన్ రూపొందిస్తామన్నారు.
ప్రస్తుతం కురుస్తున్న వర్షాలతో ప్రజలు అప్రమత్తంగా ఉండాలన్నారు. ఇండ్లు మునిగిపోయినవారిని పునరావాసకేంద్రానికి తరలించాలని అధికారులను ఆదేశించారు. వచ్చే వర్షాకాలంలో ఇలాంటి నష్టాన్ని జరగకుండా చర్యలు తీసుకుంటామన్నారు.
