- ఇప్పుడు మాపై విమర్శలా?
బడంగ్ పేట/దిల్ షుఖ్ నగర్/ఇబ్రహీంపట్నం, వెలుగు: ఫోర్త్ సిటీలో ట్రాన్స్ పోర్ట్ డిపార్ట్ మెంట్, బీసీ వెల్ఫేర్కు సంబంధించిన అన్ని వ్యవస్థలను ఏర్పాటు చేస్తామని మంత్రి పొన్నం ప్రభాకర్ తెలిపారు. జల్ పల్లి, బడంగ్ పేట, మీర్ పేట మున్సిపాలిటీ, ఆర్కే పురంతోపాటు మహేశ్వరం, కందుకూరు మండలాల్లో పలు అభివృద్ధి పనులకు కాంగ్రెస్ ఇన్చార్జీ, మాజీ ఎమ్మెల్యే కిచ్చెన్నగారి లక్ష్మారెడ్డి కలిసి శనివారం ఆయన శంకుస్థాపనలు చేశారు. పదేండ్లు అధికారంలో ఉండి ఒక్క రేషన్ కార్డూ ఇవ్వలేని బీఆర్ఎస్ నాయకులు ఇప్పుడు తమపై విమర్శలు చేయడం సిగ్గుచేటని మండిపడ్డారు. ప్రజాపాలనలో అర్హులందరికీ రేషన్కార్డులు, ఇందిరమ్మ ఇండ్లు, ఆత్మీయ భరోసా ఇస్తామన్నారు.
ఎరుకల కార్పొరేషన్ ఏర్పాటుకు కృషి
ముషీరాబాద్: రాష్ట్రంలో ఎరుకల కార్పొరేషన్ ఏర్పాటు చేసేందుకు కృషి చేస్తానని మంత్రి పొన్నం హామీ ఇచ్చారు. తెలంగాణ ఆదివాసీ ఎరుకల సంఘం ఆధ్వర్యంలో మంత్రికి ఆయన నివాసంలో వినతి పత్రం అందజేశారు. అనంతరం సంఘం రూపొందించిన 2025 క్యాలెండర్ను ఆవిష్కరించారు.
