కోహెడ(హుస్నాబాద్), వెలుగు : క్రీడాకారులను ప్రోత్సహించేందుకు స్టేట్ లెవల్లో ఆడిన వారికి రూ.50 వేలు, నేషనల్ లెవల్లో ఆడిన వారికి రూ.లక్ష బహుమానం అందిస్తానని మంత్రి పొన్నం ప్రభాకర్అన్నారు. మంగళవారం హుస్నాబాద్ మినీ స్టేడియంలో సీఎం కప్ క్రీడా పోటీలను ప్రారంభించారు. ఈ సందర్భంగా మంత్రి మాట్లాడుతూ.. ప్రభుత్వం క్రీడలను ప్రోత్సహించేందుకు యంగ్ఇండియా స్పోర్ట్స్ యూనివర్సిటీని తీసుకొస్తుందని అందులో హుస్నాబాద్ నుంచి ఎక్కువ మంది క్రీడాకారులు చేరాలన్నారు.
ఇందుకోసం పీఈటీలు కృషి చేయాలని సూచించారు. భవిష్యత్లో మన వాళ్లు ఒలంపిక్స్లో రాణించాలంటే ముందు స్టేట్, నేషనల్, ఏషియన్ గేమ్స్లో ఆడి గెలవాలన్నారు. అనంతరం మాజీ ఎమ్మెల్యే బొమ్మ వెంకటేశ్వర్ విగ్రహాన్ని ఆవిష్కరించారు. మాజీ ఎమ్మెల్యే సతీశ్బాబు, ఎంపీ బండి సంజయ్నియోజకవర్గ అభివృద్ధికి సలహాలు, సూచనలు ఇవ్వాలన్నారు.
కార్యక్రమంలో సీపీఐ జాతీయ కార్యవర్గ సభ్యుడు చాడ వెంకట్రెడ్డి, డీసీసీ అధ్యక్షుడు నర్సారెడ్డి, లైబ్రరీ చైర్మన్లింగమూర్తి, మున్సిపల్చైర్ పర్సన్ రజిత, సింగిల్విండో చైర్మన్శివ్వయ్య, ఆర్డీవో రామ్మూర్తి, బొమ్మ శ్రీరామ్ ఉన్నారు.
