చిగురుమామిడి, వెలుగు: సమాజంలో అందరికీ చదువు అందాలని, చదువుతోనే కుటుంబాలు అభివృద్ధి చెందుతాయని ఆలోచన ఉన్న గొప్ప వ్యక్తి మహాత్మా జ్యోతిరావుఫూలే అని బీసీ సంక్షేమం, రవాణా శాఖ మంత్రి పొన్నం ప్రభాకర్‌ కొనియాడారు. జ్యోతిరావుపూలే వర్ధంతి సందర్భంగా గురువారం చిగురుమామిడి మండలం సుందరగిరి గ్రామంలో ఆయన విగ్రహం వద్ద మంత్రి నివాళులర్పించారు.
ఈసందర్భంగా ఆయన మాట్లాడుతూ జ్యోతీరావు పూలేను స్ఫూర్తిగా ముందుకు సాగాలన్నారు. సంఘ సంస్కర్త, మానవతావాదిగా సమాజంలో ప్రతిఒక్కరికి విజ్ఞానం పంచాలని ఆలోచించిన వ్యక్తి పూలే అని కొనియాడారు. ఆయన తెచ్చిన సంస్కరణల వల్లే నాటి సమాజంలో మార్పు వచ్చిందన్నారు. కార్యక్రమంలో కరీంనగర్, సిద్దిపేట కలెక్టర్లు పమేలాసత్పతి, మనుచౌదరి, సిద్దిపేట జిల్లా లైబ్రరీ సంస్థ చైర్మన్ లింగమూర్తి, హుస్నాబాద్, సైదాపూర్‌ ఏఎంసీల చైర్మన్లు తిరుపతిరెడ్డి, దొంత సుధాకర్ తదితరులు పాల్గొన్నారు.
