కోహెడ (హుస్నాబాద్), వెలుగు : వచ్చే ఏడాది జనవరి 26 లోపు హుస్నాబాద్కు రింగ్రోడ్డు ఏర్పాటు చేస్తానని మంత్రి పొన్నం ప్రభాకర్ అన్నారు. శుక్రవారం హుస్నాబాద్లో గాంధీ చౌక్లో గాంధీ విగ్రహాన్ని ప్రారంభించారు. ఈ సందర్భంగా మంత్రి మాట్లాడుతూ.. పట్టణంలో మారుతున్న అవసరాలకు అనుగుణంగా మున్సిపాలిటీ సహకారంతో గాంధీ జంక్షన్ సుందరీకరణ చేసినట్లు చెప్పారు.
కొత్తపల్లి నుంచి హుస్నాబాద్ వరకు ఫోర్లేన్ రోడ్డుతో 200 ఇండ్లు పోతున్నాయని, ప్రజల విజ్ఞప్తి మేరకు దాన్ని స్థానిక గవర్నమెంట్ హాస్పిటల్ వరకు మాత్రమే వేస్తున్నామన్నారు. విద్యా, వైద్యం, వ్యవసాయం, ఉపాధి అవకాశాలు మరింత మెరుగు పరుస్తానన్నారు. అసంపూర్తిగా ఉన్న డబుల్బెడ్ రూమ్ లకు నిధులు కేటాయించి పూర్తి చేస్తామన్నారు. కార్యక్రమంలో లైబ్రరీ చైర్మన్ లింగమూర్తి, మున్సిపల్చైర్పర్సన్రజిత, ఆర్డీవో రామ్మూర్తి, కౌన్సిలర్లు ఉన్నారు.
