కోహెడ, వెలుగు: సీజనల్ వ్యాధుల పట్ల అప్రమత్తంగా ఉండాలని మంత్రి పొన్నం ప్రభాకర్సూచించారు. సిద్దిపేట జిల్లా కోహెడ మండలంలోని బస్వాపూర్ లో హెల్త్ సెంటర్ను కలెక్టర్ మను చౌదరితో కలిసి బుధవారం ఆయన ప్రారంభించారు. డాక్టర్లు, వైద్య సిబ్బంది సూచనలను ప్రజలు పాటించాలన్నారు. నియోజకవర్గంలోని 30 మేజర్ గ్రామ పంచాయతీల్లో ప్రైమరీ హెల్త్ సెంటర్లు, ఓపెన్ జిమ్లు ఏర్పాటు చేస్తున్నట్లు చెప్పారు. ప్లాస్టిక్వాడకం తగ్గించడంలో భాగంగా నియోజకవర్గంలోని 100 శాతం గ్రామాల్లో 500 మంది ఓకే సారి తినే విధంగా స్టీల్ బ్యాంకులు ఏర్పాటు చేస్తామన్నారు. వీటి మెయింటనెన్స్ను మహిళ సంఘాలకు అప్పగిస్తామని చెప్పారు. కార్యక్రమంలో డీఎంహెచ్వో శ్రీనివాస్, మెడికల్ ఆఫీసర్ నిమ్రా ఉన్నారు.
సాయుధ పోరాటంలో మల్లేశం పాత్ర మరువలేనిది
హుస్నాబాద్: తెలంగాణ సాయుధ పోరాటంలో మేర మల్లేశం పాత్ర మరువలేనిదని మంత్రి పొన్నం ప్రభాకర్ అన్నారు. పరిశోధక సంపాదకుడు, కవి అన్నవరం దేవేందర్ రాసిన ‘మేర మల్లేశం’ పుస్తకాన్ని హుస్నాబాద్లోని తన క్యాంపు ఆఫీసులో మంత్రి బుధవారం ఆవిష్కరించారు. రజాకార్ల అరాచకాలకు వ్యతిరేకంగా జరిగిన పోరాటంలో మేర మల్లేశం రాసి, పాడిన పాటలు ప్రజల్లో ఎంతో చైతన్యాన్ని తెచ్చాయన్నారు. ఆయన జీవితం నేటి తరాలకు ఆదర్శమన్నారు.
