- స్వామి వారిని దర్శించుకున్న మంత్రి
కోహెడ, వెలుగు: మండలంలోని సముద్రాల గ్రామంలో గత మూడు రోజులుగా నిర్వహిస్తున్న వీరభద్ర స్వామి ఉత్సవాలు ముగిశాయి. మంగళవారం తెల్లవారు జామున ఆలయ అవరణలో ఏర్పాటు చేసిన అగ్ని గుండాలను దాటుతు భక్తులు తమ మొక్కులను తీర్చుకున్నారు. ఈ సందర్బంగా స్వామి వారికి ప్రత్యేక పూజలు చేశారు. అనంతరం తీర్థ ప్రసాదాలను స్వీకరించారు. మంత్రి పొన్నం ప్రభాకర్ మంగళవారం స్వామి వారిని దర్శించుకొని ప్రత్యేక పూజలు చేశారు.
ఆలయానికి వచ్చిన మంత్రికి అర్చకులు పూర్ణకుంభంతో స్వాగతం పలికారు.మంత్రిని సన్మానించి స్వామి వారి చిత్ర పటాన్ని అందజేశారు. హుస్నాబాద్లో అయ్యప్ప స్వామి ఊరేగింపు ఉత్సవంలో పాల్గొన్నారు.ఈ కార్యక్రమంలో మున్సిపల్ చైర్ పర్సన్ రజిత,మండల అద్యక్షుడు ధర్మయ్య,ఆలయ అర్చకుడు శాంతయ్య స్వామి,ప్రశాంత్,స్థానిక నాయకులు ఉన్నారు.
