- అంబేద్కర్ పేరు తలచడాన్ని తప్పుపడ్తరా?: మంత్రి సీతక్క
హైదరాబాద్, వెలుగు: అంబేద్కర్ పేరు తలచడాన్ని అమిత్ షా తప్పుపట్టడం అంటే అంబేద్కర్ ను అవమానించడమేనని మంత్రి సీతక్క పేర్కొన్నారు. గురువారం ఆమె హైదరాబాద్లో మీడియాతో మాట్లాడారు. దేశ ప్రజలకు అమిత్ షా క్షమాపణ చెప్పాలని డిమాండ్ చేశారు. అట్టడుగువర్గాల దేవుడు అంబేద్కర్ అని పేర్కొన్నారు. రాజ్యాంగాన్ని తొలగించాలనే బీజేపీ కుట్ర బయటపడుతున్నదని, మనుధర్మశాస్ట్రాన్ని ఆ పార్టీ పాటిస్తున్నదని దుయ్యబట్టారు.
దేశంలో అదానీ, మోడీ, బీజేపీ మాత్రమే ఉండాలని ఆ పార్టీ పెద్దలు చూస్తున్నారని విమర్శించారు. ప్రతి పౌరుడి సమానత్వం కోసం రాహుల్ గాంధీ పోరాడుతున్నారని చెప్పారు. అంబేద్కర్ పేరు లేకుండాచేసే కుట్ర జరుగుతున్నదని ఆరోపించారు.
