ములుగు, వెలుగు : ములుగు మండలం జాకారం సమీపంలో ఏర్పాటు చేసిన రెడీమిక్స్ ప్లాంట్ ను పంచాయతీరాజ్ శాఖ మంత్రి సీతక్క శనివారం ప్రారంభించారు. ఈ సందర్భంగా మాట్లాడుతూ ములుగు జిల్లా ప్రజలకు రెడీమిక్స్ ప్లాంట్ చేరువ కావడంతో దూరభారం తగ్గిందన్నారు. కార్యక్రమంలో కాంగ్రెస్ జిల్లా అధ్యక్షుడు పైడాకుల అశోక్, తదితరులు పాల్గొన్నారు. ఇదిలా ఉండగా, ఇటీవల వివిధ కారణాలతో మృతిచెందిన వారి కుటుంబ సభ్యులను మంత్రి సీతక్క పరామర్శించారు. ములుగు గ్రామ పంచాయతీ పారిశుధ్య కార్మికుడు బల్గూరి సారయ్య రోడ్డు ప్రమాదంలో మృతిచెందగా, ఆయన చిత్రపటానికి పూలమాలవేసి నివాళులర్పించారు.
కుటుంబ సభ్యులను పరామర్శించి ఆర్థికసాయం అందించారు. ఇంచర్ల గ్రామానికి చెందిన కోరండ్ల నర్సింహారెడ్డి దశదిన కర్మకు హాజరై కుటుంబ సభ్యులను పరామర్శించారు. కార్యక్రమాల్లో కాంగ్రెస్ జిల్లా అధ్యక్షుడు పైడాకుల అశోక్, మండలాధ్యక్షుడు ఎండీ.పాషా, పట్టణాధ్యక్షుడు చింతనిప్పుల భిక్షపతి, యూత్ కాంగ్రెస్ అధ్యక్షుడు రవిచందర్తదితరులు పాల్గొన్నారు.
