హైదరాబాద్: రుణమాఫీపై హరీశ్రావు మాట్లాడితే గురివింద గింజ తన నలుపెరగదంట అనే సామెత గుర్తు వస్తుందని, బీఆర్ఎస్ ప్రభుత్వంలో పదేళ్లుగా ఎనిమిది కిస్తీల్లో ఇచ్చే పైసలు కేవలం వడ్డీలకే జమ కట్టారని మంత్రి సీతక్క ఫైర్ అయ్యారు. ఇవాళ మీడియాలో మాట్లాడారు.. పూర్తిగా రుణమాఫీ చేయక హరీశ్ రావుఆర్థిక మంత్రి పదవిలో ఉండి రైతులు ఉసురుపోసుకున్నాడని విమర్శించారు. ‘ మీరు పదేళ్లలో చేయని రుణమాఫీని మా ప్రభుత్వం అధికారంలోకి వచ్చిన వెంటనే ఏకకాలంలో రూ. 18 వేల కోట్లతో 23 లక్షల మంది రైతుల రుణాలను మాఫీ చేసింది. రైతుల గుండెల బాధలను తీర్చింది.
