శంషాబాద్, వెలుగు: సమగ్ర కుటుంబ సర్వే పూర్తయిన వెంటనే తెలంగాణలో స్థానిక సంస్థల ఎన్నికలు నిర్వహిస్తామని మంత్రి శ్రీధర్ బాబు వెల్లడించారు. సర్వేకు సంబంధించి శంషాబాద్ లో కాంగ్రెస్ జిల్లా అధ్యక్షుడు చల్లా నరసింహారెడ్డి ఏర్పాటుచేసిన కార్యక్రమానికి ఆయన ముఖ్యఅతిథిగా హాజరయ్యారు.
ఈ సందర్భంగా గతంలో పార్టీ కోసం పనిచేసిన వారికి సరైన గుర్తింపు ఇవ్వలేదని మంత్రి సమక్షంలో ఎస్సీ సెల్ నాయకుడు జలపల్లి నరేందర్ ఆవేదన వ్యక్తం చేశారు. దీంతో శ్రీధర్బాబు స్పందిస్తూ.. పార్టీలో పనిచేసిన వారికి కచ్చితంగా సముచిత స్థానం లభిస్తుందని, ఇప్పటికే చాలామందికి నామినేటెడ్ పోస్టులు ఇచ్చినట్లు తెలిపారు.
ఎమ్మెల్యేలు వీర్లపల్లి శంకర్, మల్రెడ్డి రంగారెడ్డి, ఎమ్మెల్సీ పట్నం మహేందర్ రెడ్డి పాల్గొన్నారు.
