హైదరాబాద్: తెలంగాణను డ్రగ్ ఫ్రీ స్టేట్గా మార్చేందుకు రాష్ట్ర ప్రభుత్వం కృషి చేస్తోందని.. ఇందు కోసం మిత్ర టీ యాప్ అందుబాటులోకి తీసుకొచ్చామని మంత్రి శ్రీధర్ బాబు అన్నారు. రాష్ట్ర ఐటీ, పరిశ్రమల శాఖ ఆధ్వర్యంలో ఆదివారం (డిసెంబర్ 8) హైదరాబాద్లోని పార్క్ హయత్ హోటల్లో ప్రజాపాలన విజయోత్సవాలు నిర్వహించారు. ఈ వేడుకలకు మంత్రి శ్రీధర్ బాబు చీఫ్ గెస్ట్గా అటెండ్ అయ్యారు. ఈ సందర్భంగా టీ ఫైబర్ ద్వారా తక్కువ ధరకే ఇంటర్ నెట్ అందించే పథకాన్ని ప్రారంభించారు.
ఈ టీ ఫైబర్ ద్వారా రాష్ట్రంలోని ప్రాంతీయ ఆఫీసులకు ఇంటర్నెట్ సౌకర్యం కల్పించనున్నారు. ఈ సందర్భంగా మంత్రి శ్రీధర్ బాబు మాట్లాడుతూ.. టీ ఫైబర్తో టీవీ, టెలివిజన్, కంప్యూటర్ సేవలకు ఉపయోగం ఉంటుందని తెలిపారు. చిన్న పరిశ్రమల కోసం కొత్త ఎమ్ఎస్ఎమ్ఈ పాలసీ తీసుకొచ్చామన్నారు. టీ ఫైబర్ ఇంటర్ నెట్ ద్వారా సంగారెడ్డి, పెద్దపల్లి, మహబూబ్ నగర్, జిల్లాల రైతులతో ఈ సందర్భంగా మంత్రి శ్రీధర్ బాబు మాట్లాడారు.
