హైదరాబాద్, వెలుగు: హెల్త్కేర్ కంపెనీ ఎవర్నార్త్ హెల్త్ సర్వీసెస్ ఇండియా హైదరాబాద్లో ఇన్నోవేషన్ హబ్‌‌ను ప్రారంభించింది. దీని మొదటి గ్లోబల్ కెపాబిలిటీ సెంటర్ (జీసీసీ)ని రాష్ట్ర ఐటీ శాఖ మంత్రి డి. శ్రీధర్ బాబు ప్రారంభించారు. ఎవర్నార్త్ సిగ్నాకు సబ్సిడరీ.
యూఎస్ వెలుపల తమకు ఇదే అతిపెద్ద కేంద్రమని తెలిపింది. ఇక్కడ 175 మంది పనిచేస్తారు. ఏడాదిలో వీరి సంఖ్యను వెయ్యికి పెంచుతామని ఎవర్నార్త్ ప్రకటించింది. ఈ సందర్భంగా శ్రీధర్ బాబు మాట్లాడుతూ, హైదరాబాద్ ఇన్నోవేషన్, ఎక్సలెన్స్‌‌కి గ్లోబల్ హబ్‌‌గా తన స్థానాన్ని పటిష్టం చేసుకుంటూనే ఉందని, ఎవర్నార్త్ హెల్త్ సర్వీసెస్ కొత్త కార్యాలయాన్ని ప్రారంభించడం ఈ వృద్ధికి నిదర్శనమని చెప్పారు.
