- కేంద్రం చెరుకు టన్నుకు రూ.45 వేలు చెల్లించాలె: మంత్రి శ్రీధర్బాబు
నిజామాబాద్/బోధన్, వెలుగు: నిజాం షుగర్ ఫ్యాక్టరీలను రీఓపెన్ చేయిస్తామని మంత్రి శ్రీధర్ బాబు తెలిపారు. మంచిగా నడుస్తున్న ఫ్యాక్టరీలను బీఆర్ఎస్ ప్రభుత్వం క్లోజ్చేసిందని మండిపడ్డారు. వాటంన్నిటినీ రీఓపెన్చేస్తామని, కార్మికులు, రైతుల అభిప్రాయాలు తెలుసుకోవడానికి స్థానికంగా పర్యటిస్తున్నామని చెప్పారు. శనివారం నిజామాబాద్జిల్లా బోధన్లోని శక్కర్నగర్ ఫ్యాక్టరీని ఆయన కమిటీ సభ్యులతో కలిసి విజిట్చేశారు. ఈ సందర్భంగా శ్రీధర్బాబు మాట్లాడుతూ.. ఫ్యాక్టరీ పరిధిలో చెరుకు సాగును ఎంకరేజ్చేయడానికి సబ్సిడీ విత్తనాలు, పెట్టుబడి సాయం, వడ్డీ లేని రుణాలు ప్రభుత్వం నుంచి ఇచ్చేలా కమిటీ తరఫున నివేదిస్తామని చెప్పారు.
కార్మికుల ప్రయోజనాలు కాపాడతామన్నారు. ఫ్యాక్టరీ గేట్లు ఓపెన్చేశాక ఇక ఎప్పటికీ మూతబడవన్నారు. అగ్రికల్చర్, పారిశ్రామిక నిపుణులతో చర్చిస్తున్నామని, మిల్లు నడిపిన ప్రైవేట్ మేనేజ్మెంట్బ్యాంకుల నుంచి తీసుకున్న లోన్లపై పూర్తి స్టడీ చేస్తున్నామని తెలిపారు. కేంద్రం టన్ను చక్కెర రేటును రూ.33 వేల నుంచి రూ.45 వేలకు పెంచాలని డిమాండ్చేశారు. ఇందుకు ఉమ్మడి పోరాటం చేద్దామని పిలుపునిచ్చారు. ఈనెల 27న ప్రియాంక గాంధీ చేతుల మీదుగా రూ. 500కు వంట గ్యాస్ సిలిండర్, 200 యూనిట్ల ఉచిత కరెంట్అమలు చేయబోతున్నామన్నారు. ఔటర్ రింగ్ రోడ్ తరహాలో జిల్లాలు, ముఖ్య పట్టణాలను లింక్ చేస్తూ రీజనల్ రింగ్ రోడ్ నిర్మించే ఆలోచన చేస్తున్నామని, చిన్న, మధ్యతరహా పరిశ్రమల స్థాపనకు పది రోజుల్లో కొత్త పాలసీ తేనున్నామని వెల్లడించారు.
సబ్కమిటీ సభ్యులు ఎమ్మెల్సీ జీవన్రెడ్డి, ఎమ్మెల్యేలు సుదర్శన్రెడ్డి, భూపతిరెడ్డి, పరిశ్రమల శాఖ ప్రిన్సిపల్సెక్రెటరీ జయేశ్రంజన్, నిజాం షుగర్స్ఎండీ డాక్టర్ మక్సూద్, కలెక్టర్ రాజీవ్గాంధీ హన్మంతు తదితరులు పాల్గొన్నారు. లేఆఫ్ కాలానికి సంబంధించిన జీతభత్యాలపై న్యాయం చేయాలని కార్మిక నేతలు మంత్రిని కోరారు. రైతు కూలీ సంఘం రాష్ట్ర కార్యదర్శి వి.ప్రభాకర్, మందర్నా రవి, అజయ్వడియార్, ఉపేందర్ మంత్రితో మాట్లాడారు.
