- ఎరువుల పంపిణీపై మార్క్ఫెడ్, హాకా ఆఫీసర్లకు మంత్రి తుమ్మల ఆదేశం
హైదరాబాద్, వెలుగు: ఎరువుల పంపిణీలో రైతులకు ఇబ్బందులు, సమస్యలు రాకుండా చర్యలు తీసుకోవాలని అధికారులను వ్యవసాయశాఖ మంత్రి తుమ్మల నాగేశ్వరరావు ఆదేశించారు. రాష్ట్రంలో డిమాండ్ కు సరిపడా ఎరువులు ఉన్నాయని స్పష్టం చేశారు. మంగళవారం సెక్రటేరియెట్లో మార్క్ ఫెడ్, హాకా అధికారులతో మంత్రి సమీక్షా సమావేశం నిర్వహించారు. ఈ సందర్భంగా తమ్మల మాట్లాడుతూ..ఎరువుల పంపిణీలో జాగ్రత్తలు తీసుకోవాలని తెలిపారు.
పొరపాట్లకు తావివ్వకుండా, ప్రణాళికబద్ధంగా రైతులకు అందేలా సరైన చర్యలు తీసుకోవాలన్నారు. రైతాంగ వృద్ధికి పాటుపడే ఎఫ్పీడీలను రాష్ట్ర ప్రభుత్వం ప్రోత్సహిస్తుందన్నారు. వ్యవసాయశాఖ కార్యక్రమాలకు హాకా తోడ్పాటు అందించాలని మంత్రి ఆదేశించారు.మార్క్ ఫెడ్ ఎండీ శ్రీనివాస్ రెడ్డి మాట్లాడుతూ.. ఈ యేడాది 42 కొనుగోలు కేంద్రాలు ఓపెన్ చేసి..48,133 మంది రైతుల నుంచి 83,075 టన్నుల సోయాబీన్, 990 టన్నుల పెసళ్లను సేకరించినట్లు చెప్పారు. ప్రస్తుతం కేంద్ర ప్రభుత్వ ఏజెన్సీలు నాఫెడ్, ఎన్సీసీఎఫ్.. రాష్ట్రంలో మార్క్ఫెడ్ ద్వారా కందులను కొనుగోలు చేస్తున్నట్లు తెలిపారు.
