బీజేపీ.. బీఆర్ఎస్ పార్టీలు రైతులు ఇబ్బంది పడేలా వ్యవహరిస్తున్నాయని మంత్రి తుమ్మల నాగేశ్వరరావు అన్నారు. రైతులు ఎలాంటి అపోహలు పడాల్పిన పని లేదని.. కాంగ్రెస్ ప్రభుత్వం పండిన ప్రతి గింజను కొనుగోలు చేస్తుందని... సన్న వడ్లకు బోనస్ ఇస్తుందని మంత్రి తుమ్మల తెలిపారు. రైతులు ఎలాంటి ఇబ్బందులు పడకుండా ధాన్యాన్ని సేకరిస్తున్నామన్నారు.
పోటీపడి కళ్లాల్లోనే సన్నవడ్లు కొంటున్నారంటూ... సన్న రకాలకు రూ. 500 బోనస్ చెల్లింపులు జరుగుతున్నాయని స్పష్టం చేశారు. సర్కార్ బోనస్ ప్రకటనతో సన్న వడ్ల సాగు పెరిగింది.. రాష్ట్రంలో 7 వేల 400 ధాన్యం కొనుగోలు కేంద్రాలను ఏర్పాటు చేశామన్నారు. దాదాపుగా ప్రతి గ్రామంలో కొనుగోలు సెంటర్ ఉందన్నారు.
Also Read : కేసీఆర్.. కేటీఆర్ మొసలి కన్నీరు కారుస్తున్నారు
దేశంలో అతి ఎక్కువ ధాన్యాన్ని తెలంగాణలో పండిస్తున్నారంటూ .. ఇప్పటికే 9.58మెట్రిక్ టన్నుల ధా న్యం కొనుగోలు చేశామన్నారు. ఓపెన్ మార్కెట్ లో పెచ్చు ధర వస్తే అమ్ముకోమని రైతులకు చెప్పామన్నారు. గురుకులాలు.. సంక్షేమ హాస్టల్స్ కు కూడా సన్న బియ్యం సరఫరా చేస్తామన్నారు. తెలంగాణలో పండిన ప్రతి గింజ కొంటాం.. రైతులకు ఇన్ టైంలో చెల్లిస్తామన్నారు. పేదలకు సన్నబియ్యం ఇవ్వాలనే ఆలోచనతో సన్న వడ్ల సాగును పెంచామన్నారు.
ప్రతిపక్ష పార్టీల్లో ఆధిపత్య ధోరణితో రైతులను బీఆర్ఎస్.. బీజేపీ ఇబ్బందులు పడుతున్నారన్నారు. నిధుల కొరత ఉన్నా.. ఇచ్చిన మాట ప్రకారం రూ. 2 లక్షలు రుణమాణీ చేశామని మంత్రి తుమ్మల తెలిపారు.
