- వరి దిగుబడిలో దేశంలో మనమే నంబర్వన్: మంత్రి తుమ్మల
- వర్సిటీ డైమండ్ జూబ్లీ ఉత్సవాల లోగో, బ్రోచర్ఆవిష్కరణ
హైదరాబాద్, వెలుగు: విద్యా, వైద్య రంగంతో పాటు వ్యవసాయ రంగానికి కాంగ్రెస్ ప్రభుత్వం అధిక ప్రాధాన్యం ఇస్తున్నదని వ్యవసాయశాఖ మంత్రి తుమ్మల నాగేశ్వరరావు అన్నారు. బీఆర్ఎస్ హయాంలో పదేండ్లు విద్యాసంస్థలు నిర్లక్ష్యానికి గురయ్యాయని ఆరోపించారు. ఏం చేస్తే అగ్రికల్చర్వర్సిటీ అగ్రభాగాన నిలుస్తోందో సూచించాలని అధికారులను మంత్రి కోరారు.
వ్యవసాయ రంగంలో రాష్ట్రం అగ్రగామిగా ఎదుగుతున్నదని..ఈ వానాకాలం సీజన్లో వరిధాన్యం అత్యధిక దిగుబడితో దేశంలోనే నంబర్వన్గా నిలిచిందని వెల్లడించారు. డిసెంబర్20, 21 తేదీల్లో రాజేంద్ర నగర్ లోని అగ్రికల్చర్వర్సిటీ డైమండ్జూబ్లీ సెలబ్రేషన్స్ జరగనున్నాయి. ఈ సందర్భంగా ఉత్సవాల లోగోను, బ్రోచర్లను మంత్రి తుమ్మల మంగళవారం ఆవిష్కరించారు. అనంతరం ఆయన మాట్లాడుతూ..మన అగ్రికల్చర్ యూనివర్సిటీ దేశంలోని అన్ని వర్సిటీల కంటే అగ్రగామిగా నిలవాలని ఆకాంక్షించారు.
వర్సిటీ యాక్టివిటీస్ మరింత పెంచాలి
స్టేట్ప్లానింగ్కమిషన్ వైస్చైర్మన్ చిన్నారెడ్డి మాట్లాడుతూ..అమెరికాలోని కాన్సస్తరువాత అత్యంత ల్యాండ్ బ్యాంక్ఉన్నది మన అగ్రి వర్సిటీకేనని తెలిపారు. యూనివర్సిటీ యాక్టివిటీస్ మరింత పెంచాలని కోరారు. ఖాళీ పోస్టులను భర్తీ చేయాలన్నారు. ప్రధాని మోదీ 130 కొత్త వంగడాలు విడుదల చేస్తే అందులో మన రాష్ట్రానికి చెందిన ఒక్క వంగడం కూడా లేకపోవడం బాధాకరమని ఆవేదన వ్యక్తం చేశారు.
