- ట్రస్మా రాష్ట్ర కార్యవర్గ ప్రమాణ స్వీకారంలో మంత్రి తుమ్మల
హైదరాబాద్, వెలుగు: రాష్ట్రంలోని ప్రైవేటు బడ్జెట్ స్కూళ్ల సమస్యల పరిష్కారానికి కృషి చేస్తానని మంత్రి తుమ్మల నాగేశ్వర్ రావు తెలిపారు. ప్రాపర్టీ ట్యాక్స్, కరెంట్ బిల్స్, ఇతర సమస్యలను సీఎం రేవంత్ రెడ్డి దృష్టికి తీసుకుపోతానని చెప్పారు. బుధవారం హైదరాబాద్లో తెలంగాణ ప్రైవేటు రికగ్నైజ్డ్ స్కూల్ మేనేజ్మెంట్స్ అసోసియేషన్ (ట్రస్మా) రాష్ట్ర కమిటీ ప్రమాణ స్వీకార కార్యక్రమం జరిగింది.
ఈ సందర్భంగా రాష్ట్ర నూతన అధ్యక్షుడిగా శివరాత్రి యాదగిరి, ప్రధాన కార్యదర్శిగా ఐవీ రమణారావు, ట్రెజరర్గా జయసింహాగౌడ్, ట్రస్మా చీఫ్ అడ్వైజర్ గా యాదగిరి శేఖర్ రావు ప్రమాణం చేసి బాధ్యతలు చేపట్టారు. ఈ కార్యక్రమానికి తుమ్మల నాగేశ్వర్ రావు హాజరై మాట్లాడారు. .
