భద్రాద్రి కొత్తగూడెం జిల్లాలోని సీతారామ ప్రాజెక్ట్ పంప్ హౌస్ -2 ట్రయిల్ రన్ నిర్వహించారు మంత్రులు ఉత్తమ్ కుమార్ రెడ్డి, తుమ్మలనాగేశ్వర్ రావు, పొంగులేటి శ్రీనివాస్ రెడ్డి. ఈ సందర్బంగా మాట్లాడని ఉత్తమ్ కుమార్ రెడ్డి.. ఉమ్మడి ఖమ్మం జిల్లాకు ఈ రోజు చరిత్రలో నిలిచిపోతుందన్నారు. గోదావరి జలాలు ఉమ్మడి ఖమ్మం జిల్లాలో పారుతున్నందుకు చాలా సంతోషంగా ఉందన్నారు ఉత్తమ్. ప్రతి సంవత్సరం 6 లక్షల ఎకరాలకు నీరు అందించాలనే సంకల్పంతో ముందుకెళ్తున్నామని చెప్పారు. ఆగస్టు15న సీఎం రేవంత్ రెడ్డి 2 ,3 లిఫ్ట్ ఇరిగేషన్ లు ప్రారంభించి..అదే రోజు 2 లక్షల రుణమాఫీ ప్రకటిస్తారని వెల్లడించారు
సీతారామ ప్రాజెక్ట్ లో లిఫ్ట్ 2, లిఫ్ట్ 3 ట్రయిల్ రన్ చేసుకున్నందుకు ఆనందంగా ఉందన్నారు మంత్రి పొంగులేటి శ్రీనివాస్ రెడ్డి. రీ డిజైన్ పేరుతో గత పాలకులు 8వేల కోట్లువృథా చేశారని విమర్శించారు. ఇందిరమ్మ రాజ్యం వచ్చాక జిల్లాలో అనేక నియోజకవర్గాల రైతులకు ఈ ప్రాజెక్ట్ ఉపయోగపడుతుందని చెప్పారు. భద్రాచలం, ఎల్లందు నియోజకవర్గ రైతులకు కూడా ఈ ప్రాజెక్ట్ నుంచి నీళ్లు అందించేందుకు కృషి చేస్తామని చెప్పారు పొంగులేటి
