- భూసేకరణలో అలసత్వం వద్దు: మంత్రి ఉత్తమ్
హైదరాబాద్, వెలుగు: సీతారామ ప్రాజెక్ట్ను వీలైనంత తొందరగా పూర్తి చేయాలని ఇరిగేషన్ శాఖ అధికారులను మంత్రి ఉత్తమ్ కుమార్ రెడ్డి ఆదేశించారు. టెండర్ల ప్రక్రియ కూడా వేగంగా కంప్లీట్ చేయాలన్నారు. జలసౌధలో మంత్రులు తుమ్మల నాగేశ్వర రావు, పొంగులేటి శ్రీనివాస్రెడ్డితో కలిసి ఆయన సీతారామ ప్రాజెక్ట్పై శుక్రవారం రివ్యూ చేశారు. ప్రాజెక్టులో భాగంగా చేపడుతున్న సొరంగాలు, కాలువల నిర్మాణ పనుల పురోగతిని అధికారులను అడిగి తెలుసుకున్నారు.
ఈ సందర్భంగా ఆయన మాట్లాడారు. ‘‘భూసేకరణ విషయంలో అలసత్వం పనికిరాదు. ఈ ప్రక్రియను వేగంగా పూర్తి చేయాలి. పాలనాపరమైన అనుమతుల్లో ఆలస్యం కాకుండా చూసుకోవాలి. టెండర్లు, సాంకేతికపరమైన అంశాల్లో అధికారులంతా సమన్వయంతో ముందుకెళ్లాలి.
సీఎం రేవంత్ రెడ్డి ఇచ్చిన హామీ ప్రకారం నిర్ణీత గడువులోగా ప్రాజెక్ట్ను పూర్తి చేయాలి’’అని అధికారులను ఉత్తమ్ ఆదేశించారు. రివ్యూ మీటింగ్లో ఇరిగేషన్ అడ్వైజర్ ఆదిత్యనాథ్ దాస్, ఇరిగేషన్ సెక్రటరీ రాహుల్ బొజ్జా, స్పెషల్ సెక్రటరీ ప్రశాంత్ జీవన్ పాటిల్, ఈఎన్సీలు అనిల్ కుమార్, నాగేందర్ రావు, డిప్యూటీ ఈఎన్సీ కే.శ్రీనివాస్ తదితరులు పాల్గొన్నారు.
