సూర్యాపేట జిల్లాలో మంత్రి ఉత్తమ్ కుమార్ రెడ్డి పర్యటించారు. హుజూర్ నగర్ లో 2వేల 160 డబుల్ బెడ్ రూం ఇళ్లను పరిశీలించారు. మాది మాటల ప్రభుత్వం కాదు... చేతల ప్రభుత్వం అన్న మంత్రి .... నియోజకర్గంలో పలు అభివృద్ది కార్యక్రమాలకు శ్రీకారం చుట్టారు. ఐటీఐ కాలేజీ నిర్మాణానికి భూమి పూజ చేసిన తరువాత ఆయన క్యాంప్ కార్యాలయంలో కళ్యాణలక్ష్మీ.. షాదీముబారక్ చెక్కులను పంపిణీ చేశారు. హుజూర్ నగర్ లో 100 పడకల ఆస్పత్రి నిర్మాణం పరిశీలనలో ఉందని తెలిపారు.
2009లో ఆయన గృహనిర్మాణ శాఖ మంత్రిగా ఉన్నప్పుడు నియోజవర్గంలో హౌసింగ్ కాలనీ ఏర్పాటు చేసి 2 వేల 160 ఇళ్ల నిర్మాణ పనులను 70 శాతం పూర్తి చేశామన్నారు. తరువాత అధికారంలోకి వచ్చిన బీఆర్ఎస్ ప్రభుత్వ మిగిలిన వర్క్ పూర్తి చేస్తామని చెప్పి పేదలను అన్యాయం చేసిందన్నారు. ఇప్పుడు కాంగ్రెస్ ప్రభుత్వం అధికారంలోకి వచ్చినతరువాత రూ. 75 కోట్ల రూపాయిలతో హౌసింగ్ కాలనీ నిర్మాణ పనులు చేపట్టామన్నారు. 2025 జనవరి నాటిని ఇండ్ల నిర్మాణం పూర్తిచేసి పేదలకు ఇస్తామన్నారు.
