అలీఘర్ ముస్లిం యూనివర్సిటీకి మైనార్టీ హోదా ఉండదని ఎస్ అజీజ్ బాషా వర్సెస్ యూనియన్ ఆఫ్ ఇండియా 1967 కేసులో ఇచ్చిన తీర్పును కొట్టివేస్తూ యూనివర్సిటీకి మైనారిటీ హోదా చట్టం ద్వారా కల్పించారని ప్రధాన న్యాయమూర్తి జస్టిస్ వై.చంద్రచూడ్ నేతృత్వంలోని ఏడుగురు సభ్యుల రాజ్యాంగ ధర్మాసనం 4:3 మెజారిటీతో తీర్పు వెలువరించింది. ఈ తీర్పులో మైనారిటీ హోదా ఉంటుందని అనుకూలంగా సీజేఐ చంద్రచూడ్, జస్టిస్ సంజీవ్ ఖన్నా, జస్టిస్ జేబీ పార్థీవాలా, జస్టిస్ మనోజ్మిశ్రాలు తీర్పు ఇవ్వగా, జస్టిస్ సూర్యకాంత్, దీపాంకర్ దత్తా, జస్టిస్ ఎస్సీ శర్మలు విభేదించారు. అలీఘర్ ముస్లిం యూనివర్సిటీ సవరణ చట్టం 1981 మైనారిటీ హోదాను కల్పించిందని పేర్కొన్నది. ఇది అసంపూర్తిగా ఉన్నదని, దానిని పునరుద్ధరించలేదని పేర్కొన్నది.
ఏఎంయూ చట్టం 1920 ప్రకారం అలీఘర్ ముస్లిం విశ్వవిద్యాలయం ఏర్పాటైంది. ఆ తర్వాత 1951లో ఈ చట్టంలో సవరణ చేసి ముస్లిం విద్యార్థులకు మతపరమైన తప్పనిసరి సూచనలు తొలగించారు. విద్యా సంస్థ నియంత్రణ, పరిపాలన విషయంలో పార్లమెంట్లో చట్టం చేసినా ఆ విద్యాసంస్థలకు ఉన్న మైనార్టీ హోదాను రద్దు చేయరని సుప్రీంకోర్టు ధర్మాసనం తెలిపింది.
పార్లమెంట్ చట్టంతో అలీఘర్ ముస్లిం వర్సిటీ మైనార్టీ హోదా రద్దు అయినట్లు 1968లో ఇచ్చిన తీర్పును సుప్రీంకోర్టు ధర్మాసనం కొట్టివేసి తాజా తీర్పును సుప్రీంకోర్టు ధర్మాసనం వెలువరించింది. అడ్మినిస్ట్రేషన్లో మైనార్టీ సభ్యులు లేనంత మాత్రాన ఆ వర్సిటీ మైనార్టీ హోదా పోదు అని సుప్రీంకోర్టు చెప్పింది. ఈ యూనివర్సిటీని విద్యా సంస్థగా 1875లో మహమ్మద్ ఆంగ్లో ఓరియంటల్ కాలేజ్ పేరుతో సర్ సయ్యద్ అహ్మద్ ఖాన్ స్థాపించారు. ఆ తర్వాత 1920లో యూనిర్సిటీగా మార్చారు.
