బోధన్, వెలుగు : మైనర్లు వాహనాలు నడిపితే జైలు శిక్షతోపాటు రూ.25 వేలు జరిమానా తప్పదని ఏసీపీ శ్రీనివాస్హెచ్చరించారు. శుక్రవారం బోధన్పట్టణ శివారులోని ఇందూర్ స్కూల్లో రోడ్డు భద్రతా వారోత్సవాలు నిర్వహించారు. ఈ సందర్భంగా ఏసీపీ మాట్లాడుతూ రోడ్డుపై ప్రయాణం చేసేటప్పుడు ప్రతిఒక్కరూ హెల్మెంట్ ధరించాలని సూచించారు. మానవ తప్పిదాలతో ఏటా మన దేశంలో లక్షలాది మంది రోడ్డు ప్రమాదంలో మరణిస్తున్నారని చెప్పారు.
కొంతమంది డ్రైవింగ్చేసే సమయంలో సెల్ఫోన్, హెడ్ఫోన్స్పెట్టుకొని వాహనాలు నడుపుతున్నారని తెలిపారు. ఇద్దరు కంటే ఎక్కువ మంది బైక్పై ప్రయాణం చేయడం ప్రమాదకరమన్నారు. ప్రతిఒక్కరూ ట్రాఫిక్రూల్స్ పాటించాలని సూచించారు. కార్యక్రమంలో సీఐ వెంకట నారాయణ, మోటర్ వెహికిల్ ఇన్స్పెక్టర్ శ్రీనివాస్, ట్రాఫిక్ సీఐ చందర్రాథోడ్, ఇందూర్స్కూల్ కరస్పాండెంట్ కొడాలి కిశోర్, హెడ్మాస్టరు రామరావు, విద్యార్థులు పాల్గొన్నారు.
