నోటిఫికేషన్లు రావడం లేదని సూసైడ్ అటెంప్ట్
చదివిందే చదివి ఒత్తిడికి గురవుతున్నం
సోషల్ మీడియాలో సెల్ఫీ వీడియో వైరల్
మిర్యాలగూడ, వెలుగు: ‘రాష్ట్ర ప్రభుత్వం నోటిఫికేషన్లు ఇస్తలేదు. చదివిందే చదివి తీవ్ర ఒత్తిడికి గురవుతున్నం. ట్వంటీ డేస్ స్ట్రగుల్ తర్వాత చనిపోవాలని డిసైడ్ అయ్యా. నాకు చచ్చిపోవాలని లేదు. అమ్మా.. పుత్రశోకం ఇస్తున్నందుకు క్షమించండి’ అంటూ నల్గొండ జిల్లా మిర్యాలగూడ పట్టణం అశోక్నగర్కు చెందిన సంపత్ అనే యువకుడు రెండు రోజుల క్రితం విషం తాగి సూసైడ్ అటెంప్ట్ చేశాడు. ఈ ఘటన ఆలస్యంగా శనివారం వెలుగులోకి వచ్చింది. ఆత్మహత్యా యత్నానికి ముందు సంపత్ తీసుకున్న సెల్ఫీ వీడియో సోషల్ మీడియాలో వైరలైంది. నిరుద్యోగుల పట్ల ప్రభుత్వ వ్యవహరిస్తున్న తీరుకు ఈ వీడియో నిదర్శనంగా మారింది. ఇందులో సంపత్ నాలుగైదేళ్లకోసారి నోటిఫికేషన్ ఇస్తున్నారు.. ఏదైనా సరే ఆరు నెలల్లో కంప్లీట్ చేయాలని సూచించాడు. మొన్న వీఆర్వోలను రద్దు చేశారు.. వాళ్లను మళ్లీ సర్దుబాటు చేస్తామంటున్నారు. పాతవాళ్లనే సర్దుబాటు చేస్తుంటే నాలాంటి నిరుద్యోగుల పరిస్థితి ఏమవ్వాలని ప్రశ్నించాడు. ‘సీఎం సర్.. నిరుద్యోగులకు నమ్మకం ఇవ్వండని’ కోరాడు. ప్రస్తుతం సంపత్కు పట్టణంలోని ఓ ప్రైవేట్ హాస్పిటల్లో ట్రీట్మెంట్ చేస్తున్నారు.
For More News..
