- ఫిర్యాదు చేసిన గురునానక్ మేనేజ్మెంట్, పేరెంట్స్
- మిస్సయిన వారిలో ఇద్దరమ్మాయిలు, ఒకబ్బాయి
ఇబ్రహీంపట్నం, వెలుగు: గురునానక్ ఇంజినీరింగ్ కాలేజీ హాస్టల్ నుంచి వారంలో ముగ్గురు విద్యార్థులు అదృశ్యమయ్యారు. దీనిపై కాలేజీ మేనేజ్మెంట్, పేరెంట్స్ఇబ్రహీంపట్నం పీఎస్లో ఫిర్యాదు చేశారు.
వికారాబాద్ జిల్లా మొమిన్ పెట్ మండల్ రాంనాథ్ గూడపల్లెకు చెందిన కొత్తగడి విష్ణు (17) ఈ నెల16న, యాదాద్రి జిల్లా ఆత్మకూర్మండలం కప్రాయిపల్లికి చెందిన కొంగరి శివాని(17) 17న, వనపర్తి జిల్లా ఎన్టీఆర్కాలనీకి చెందిన ఉప్పల పావని(19) 20న కనిపించకుండా పోయారు. వీరంతా ఫస్టియర్చదువుతున్నారు. ఒకే కాలేజీ నుంచి వారం వ్యవధిలో ముగ్గురు కనిపించకుండా పోవడంతో విద్యార్థుల తల్లిదండ్రులు ఆందోళన చెందుతున్నారు. వేర్వేరు కేసులు నమోదు చేసుకుని దర్యాప్తు చేస్తన్నామని ఇబ్రహీంపట్నం సీఐ మధు తెలిపారు.
