ఆళ్లపల్లి, వెలుగు: ఆళ్లపల్లి మండల కేంద్రానికి చెందిన యువతి కనిపించకుండా పోయింది. ఎస్సై రతీశ్ తెలిపిన వివరాల ప్రకారం.. స్థానికంగా ఉండే సౌజన్య(22) వైరాలోని మమతా ఒకేషనల్ కాలేజీలో ఎంఎల్టీ కోర్సు చేస్తోంది. సోమవారం వైరా వెళ్తున్నానని ఇంట్లో చెప్పి బయలుదేరిన సౌజన్య సాయంత్రమైనా తిరిగి రాలేదు. ఫోన్ చేస్తే కలవలేదు. ఆందోళన చెందిన కుటుంబ సభ్యులు మంగళవారం పోలీసులకు ఫిర్యాదు చేశారు.
మిస్సింగ్కేసు నమోదు చేసిన పోలీసులు సీసీ టీవీ ఫుటేజీలను పరిశీలించగా, ఆళ్లపల్లిలో ఆర్టీసీ బస్ఎక్కి, కొత్తగూడెం జిల్లా కేంద్రంలో దిగినట్లు గుర్తించారు. తర్వాత ఆమె ఫోన్ స్విచ్ఛాఫ్అయింది. చివరిగా యువతి మొబైల్సిగ్నల్తిప్పనపల్లి అడవుల్లో చూపించడంతో, అక్కడికి చేరుకున్న పోలీసులకు ఫోన్ మాత్రమేదొరికింది. ఇప్పటివరకు సౌజన్య ఆచూకీ లభించలేదు. విచారణ జరుపుతున్నట్లు ఎస్సై తెలిపారు.
