దర్శకుడిగా, నటుడిగా తనకంటూ స్పెషల్ ఇమేజ్ తెచ్చుకున్న సముద్రఖని.. లీడ్ రోల్స్‌‌లోనూ ఆకట్టుకుంటున్నాడు. ఆయన టైటిల్ రోల్ పోషిస్తున్న చిత్రం ‘మిస్టర్ మాణిక్యం’. నంద పెరియసామి దర్శకత్వంలో జీపీ రేఖా రవి కుమార్, చింతా గోపాలకృష్ణా రెడ్డి, రాజా సెంథిల్ నిర్మిస్తున్నారు. డిసెంబర్ 28న ఈ చిత్రాన్ని విడుదల చేయనున్నట్టు ప్రకటించారు. నిర్మాత సునీల్ నారంగ్ ఫస్ట్ లుక్‌‌తో పాటు రిలీజ్ డేట్ పోస్టర్‌‌‌‌ను రిలీజ్ చేసి టీమ్‌‌కు బెస్ట్ విషెస్ చెప్పారు. అతిథిగా పాల్గొన్న నిర్మాత శివలెంక కృష్ణప్రసాద్ మాట్లాడుతూ ‘ఈ చిత్ర నిర్మాతలు నాకు సన్నిహితులు.
కంటెంట్‌‌ని నమ్మి నిర్మించిన సినిమా ఇది. మానవతా విలువలకు పట్టం కట్టే విధంగా కథాంశం ఉంది. ఈ సినిమా ఘన విజయం సాధించాలని కోరుకుంటున్నా’ అని అన్నారు. ప్రతి ఒక్కరి మనసులను హత్తుకునే అనేక అంశాలు ఈ చిత్రంలో ఉన్నాయని సముద్రఖని చెప్పారు. నాజర్, భారతి రాజా, తంబి రామయ్య, ఇళవరసు కీలక పాత్రలు పోషిస్తున్నారు. విశాల్ చంద్రశేఖర్ సంగీతం అందిస్తున్నాడు.
