ఛాంపియన్స్ ట్రోఫీకి ముందు ఆస్ట్రేలియాకు బిగ్ షాక్ తగిలింది. ఆ జట్టు ఓపెనర్, స్టార్ ఆల్ రౌండర్ మిచెల్ మార్ష్ గాయం కారణంగా ఛాంపియన్స్ ట్రోఫీ మొత్తానికి దూరమయ్యాడు. ఈ విషయాన్ని క్రికెట్ ఆస్ట్రేలియా శుక్రవారం (జనవరి 31) అధికారికంగా ఒక ప్రకటనలో తెలిపింది. ప్రస్తుతం వెన్నుముక గాయంతో ఇబ్బంది పడుతున్న మార్ష్.. ఈ మెగా టోర్నీ సమయానికి పూర్తి ఫిట్ నెస్ సాధించలేడు. జార్జ్ బెయిలీ నేతృత్వంలోని సెలక్షన్ కమిటీ మార్ష్ స్థానంలో ఎవరినీ ప్రకటించలేదు. ఈ ఆల్ రౌండర్ స్థానంలో వెబ్ స్టర్ ఎంపికయ్యే అవకాశం ఉంది. ఛాంపియన్స్ ట్రోఫీ కోసం తుది స్క్వాడ్‌ను ప్రకటించడానికి ఫిబ్రవరి 12 వరకు సమయం ఉంది.
మార్ష్ దూరం కావడంతో ఆస్ట్రేలియాకు పెద్ద ఎదురు దెబ్బ తగలనుంది. హెడ్ తో పాటు ఇన్నింగ్స్ ను ఆరంభించడంతో పాటు బౌలింగ్ లోనూ ఫాస్ట్ బౌలర్ గాను రాణించగలడు. ఇప్పుడు మార్ష్ స్థానంలో ఓపెనర్ ను సెలక్ట్ చేయాలా.. మరో ఆల్ రౌండర్ ను సెలక్ట్ చేయాలా అనే డైలమాలో ఆస్ట్రేలియా ఉంది. గత కొంతకాలంగా మార్ష్ ఫార్మాట్ ఏదైనా ఘోరంగా విఫలమవుతున్నాడు. బోర్డర్ గవాస్కర్ ట్రోఫీలో 7 ఇన్నింగ్స్ లో 73 పరుగులు చేసి చివరి టెస్టుకు జట్టులో స్థానం కోల్పోయాడు. అనుభవం దృష్టిలో పెట్టుకొని ఛాంపియన్స్ ట్రోఫీలో అవకాశం దక్కినప్పటికీ గాయంతో దూరమవ్వాల్సి వచ్చింది.
ALSO READ : Ranji Trophy 2024-25: మాకు మ్యాచ్‌తో పని లేదు: కోహ్లీ ఔట్.. స్టేడియం వదిలి ఇంటికి క్యూ కట్టిన ఫ్యాన్స్
ఆసీస్ జట్టులో ఇప్పటికే కీలక ఫాస్ట్ బౌలర్లు జోష్ హేజిల్‌వుడ్, కెప్టెన్ కమ్మిన్స్ గాయాలతో ఇబ్బంది పడుతున్నారు. వీరు ఈ మెగా టోర్నీ సమయానికల్లా కోలుకుతారనే విషయంలో సందిగ్ధత నెలకొంది. ఫిబ్రవరి 22 న ఇంగ్లాండ్‌తో ఆస్ట్రేలియా తమ తొలి మ్యాచ్ ఆడనుంది. ఆఫ్ఘనిస్తాన్, సౌతాఫ్రికా ఇదే గ్రూప్ లో ఉన్నాయి.
ఛాంపియన్స్ ట్రోఫీకి ఆస్ట్రేలియా జట్టు:
పాట్ కమ్మిన్స్ (కెప్టెన్), అలెక్స్ కారీ, నాథన్ ఎల్లిస్, ఆరోన్ హార్డీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుస్‌చాగ్నే, గ్లెన్ మాక్స్‌వెల్, మాట్ షార్ట్, స్టీవ్ స్మిత్ , మిచెల్ స్టార్క్స్ , ఆడమ్ జాంపా
Australia's Mitchell Marsh has been ruled out of the Champions Trophy due to a back injury ❌
— ESPNcricinfo (@ESPNcricinfo) January 31, 2025
He is unlikely to play again this season, with his IPL stint at Lucknow Super Giants also in doubt pic.twitter.com/127Ir46Q4Y
